ద్విభాషా చిత్రం’గాడ్స్‌ అండ్‌ సోల్జర్‌’

‘గోలీసోడా’, ‘గోలీసోడా-2’ చిత్రాల దర్శకుడు, ప్రముఖ కెమెరామెన్‌ విజయ్‌ మిల్టన్‌ దర్శకత్వంలో ‘గోలీసోడా’ ఫ్రాంఛైజీలో భాగంగా ‘గోలీసోడా’లోని స్పిరిట్‌ను, ఆ లెగసీని కంటిన్యూ చేస్తూ ఓ చిత్రాన్ని రూపొందిస్తున్నారు.
తెలుగు, తమిళ భాషల్లో ద్విభాషా చిత్రగా తెరకెక్కుతున్న ఈ సినిమాలో రాజ్‌ తరుణ్‌ కథానాయకుడు. ఆయన చిత్రంతో తమిళంలోకి ఎంట్రీ ఇస్తున్నారు.
సునీల్‌, వేదన్‌, భారత్‌, అమ్ము అభిరామి, కిషోర్‌, జెఫ్రీరి, భరత్‌ శ్రీని, పాల డబ్బా, విజిత తదితరులు ఈ చిత్రంలో ముఖ్యపాత్రల్లో నటిస్తున్నారు.
రఫ్‌ నోట్‌ ప్రొడక్షన్స్‌ సంస్థ నిర్మిస్తున్న ఈ చిత్రానికి వినాయక చవితి పర్వదినాన ‘గాడ్స్‌ అండ్‌ సోల్జర్‌’గా టైటిల్‌ని ఫిక్స్‌ చేసి, టైటిల్‌ టీజర్‌ను మేకర్స్‌ విడుదల చేశారు.
కథానాయకులు విజయ్‌ సేతుపతి, విజయ్‌ ఆంటోని, ఆర్యలతో పాటు విశ్వక్‌సేన్‌ తమ ‘ఎక్స్‌’ అకౌంట్‌ వేదికగా టైటిల్‌ను ట్విట్‌ చేసి, శుభాకాంక్షలు అందజేశారు.
దర్శకుడు విజయ్‌ మిల్టన్‌ మాట్లాడుతూ, ”గోలీసోడా’లోని రఫ్‌నెస్‌ను, న్యూ చాప్టర్‌ని ఈ సినిమాలో ప్రేక్షకులు చూడబోతున్నారు. ఈ టైటిల్‌ టీజర్‌కు మంచి స్పందన వస్తోంది. సోషల్‌ మీడియాలో వైరల్‌గా మారింది. ఈ టీజర్‌తో మా సినిమాపై ఎక్స్‌పెక్టేషన్స్‌ పెరిగాయి. తప్ప కుండా మా చిత్రం తెలుగు, తమిళ భాషల్లో అందరి అంచ నాలను అందుకుంటుంది’ అని అన్నారు.