రాహుల్‌ గాంధీతో మహేశ్‌కుమార్ గౌడ్ భేటీ

నవతెలంగాణ - హైదరాబాద్‌ : ఢిల్లీలో కాంగ్రెస్ అగ్రనేత రాహుల్‌ గాంధీతో టీపీసీసీ అధ్యక్షుడు మహేశ్‌కుమార్ గౌడ్ ఆదివారం భేటీ అయ్యారు. హైదరాబాద్‌లో నిర్వహించనున్న భారత్ సమ్మిట్‌కు హాజరుకావాలని రాహుల్‌ గాంధీని ఆహ్వానించారు. ఈ సందర్భంగా జాతీయస్థాయిలో ఓబీసీ అంశాలపై ఇరువురూ చర్చించారు. అలాగే తెలంగాణలో ప్రస్తుత రాజకీయ పరిస్థితులు, రాష్ట్రంలో కాంగ్రెస్ పార్టీ వ్యవహారాలు, పార్టీ బలోపేతం తదితర అంశాలపై కూడా చర్చించినట్లు సమాచారం.