దండుమైలారంలో దారుణ హత్య

• – వ్యక్తి ప్రాణం తీసిన 11 గుంటల భూమి 
  – మరో మహిళ పరిస్థితి విషయం
• – గొడ్డలీతో నరికి చంపిన దయాధులు 
  – అడ్డు వచ్చిన వారినీ వదలని వైనం
  – ఇరువర్గాలకు తీవ్ర గాయాలు
  – గ్రామంలో ఉద్రిక్త  పరిస్థితులు 
  – దండుమైలారంలో కొనసాగుతున్న పోలీస్ పికెటింగ్
  నవతెలంగాణ – రంగారెడ్డి ప్రతినిధి: దండుమైలారంలో దారుణ హత్య చోటు చేసుకుంది. 11 గంటల భూమి ఒక వ్యక్తి ప్రాణం తీసింది. మరో మహిళ ప్రాణాపాయ స్థితిలో కొట్టుమిట్టాడుతుంది. పలువురికి గొడ్డలి గాయాలతో ఆసుపత్రులు పాలయ్యారు. దాంతో దండుమైలారంలో గ్రామంలో విషాద ఛాయలు  నెలకొన్నాయి. ఇరు వర్గాల ఒకరిపై ఒకరు పోలీస్ స్టేషన్లో ఫిర్యాదు చేసుకున్నారు. దాంతో గ్రామంలో ఉధృత పరిస్థితులు నెలకొన్నాయి. ఎలాంటి అవాంఛనీయ సంఘటనలు చోటు చేసుకోకుండా పోలీస్ పికెటింగ్ ఏర్పాటు చేశారు. మరోవైపు హత్య చేసిన నిందితులను కఠినంగా శిక్షించాలని, వారికి ప్రోత్సహించిన వారిపై సైతం హత్య కేసు నమోదు చేయాలని గ్రామస్తులు మూకుమ్మడిగా డిమాండ్ చేస్తున్నారు. ఈ ఘటన ఇబ్రహీంపట్నం పోలీస్ స్టేషన్ పరిధిలో ఆదివారం చోటుచేసుకుంది. స్థానికులు కథనం మేరకు వివరాలు ఈ విధంగా ఉన్నాయి. 

దండుమైలారం గ్రామానికి చెందిన గుడేటి జంగయ్య అనే వ్యక్తికి సర్వేనెంబర్ 156, 158, 159లో 18 ఎకరాల 12 భూమి కలదు. ఈయనకు గుడేటి నరసింహ, గుడేటి మల్లయ్య, గుడేటి యాదయ్య, గుడేటి జంగయ్య అనే నలుగురు కొడుకులున్నారు.  ఒక్కో భాగానికి  నాలుగు ఎకరాల 23 గుంటల భూమి రావాల్సి ఉంది. గుడేటి మల్లయ్య, గుడేటి జంగయ్య అనే కొడుకులకు 11 గంటల భూమి తక్కువగా వచ్చింది. గుడేటి నరసింహ, గుడేటి యాదయ్య అనే ఇద్దరు కొడుకులకు అదనంగా 11 గుంటల భూమి ఉంది. ఈ విషయమై గత రెండు, మూడు సంవత్సరాలుగా దాయాదుల గొడవ కొనసాగుతోంది. ఇటీవల ఇరువురు పోలీస్ స్టేషన్లో ఫిర్యాదు కూడా చేసుకున్నారు.

కాగా గుడేటి మల్లయ్య, గుడేటి జంగయ్య కుమారులు ఈ భూమి విషయమై నరసింహ, యాదయ్య  వారసులను అడుగుతూనే ఉన్నారు. ఈ నేపథ్యంలో ఇరువురు పోలీస్ స్టేషన్లో ఫిర్యాదు చేసుకున్న తరుణంలో మా భూమి పైకి ఎవరు వెళ్లకుండా 145 సెక్షన్ అమల్లో ఉంది. కాగా ఆదివారం గుడేటి నరసింహ, గుడి యాదయ్య వారసులు సదరు వివాదాస్పదమైన భూమిలోకి వెళ్ళి నాట్లు వేస్తున్నారు. ఈ విషయం తెలుసుకున్న గుడేటి మల్లయ్య, గుడేటి జంగయ్య వారసులు బాలరాజు, ధనరాజు, వెంకటరాజు, పావని, మంజుల అడ్డుకునేందుకు అక్కడకు వెళ్లారు. దాంతో ఒక్కసారిగా గుడేటి నరసింహ, గుడేటి యాదయ్య వారసులైన గులేటి బాలరాజు, శ్రీశైలం, యాదయ్య, లింగస్వామి, ప్రసాద్, పద్మ, అర్చన, దేవకమ్మ, పారిజాతలు కలిసి ఒక్కసారిగా గుడేటి బాలరాజుపై గొడ్డలతో నరికారు. విచక్షణ రహితంగా నరికి చంపారు. బాలరాజుపై జరుగుతున్న దాడిని అడ్డుకోబోయిన బాలరాజు తమ్మిని భార్య మంజులను సైతం వదల లేదు. ఆమెపై కూడా గొడ్డలితో దాడులు చేశారు.

ఈ దాడిలో గుదేటి బాలరాజు అక్కడికక్కడే తీవ్ర గాయాలతో పడిపోయాడు. అడ్డుపోయిన వెంకటరాజు, పావనిపై సైతం గొడ్డలి, ఇతర మారణాయుధాలతో దాడులకు పూనుకున్నారు. దాంతో వారు తీవ్ర గాయాలయల పాలయ్యారు. రక్తపు మడుగుల్లో పడిపోయిన బాలరాజును ఇబ్రహీంపట్నం ప్రైవేట్ ఆస్పత్రికి తరలించగా అప్పటికే మృతి చెందినట్లు వైద్యులు తెలిపారు. గాయాల పాలైన వారు సైతం ఆసుపత్రిలో చికిత్స పొందుతున్నారు. కాగా మంజుల పరిస్థితి మిషమంగా ఉండడంతో ఇబ్రహీంపట్నం ప్రైవేటు ఆసుపత్రి నుంచి నగరంలోని మరో ఆసుపత్రికి తరలించి చికిత్స అందిస్తున్నారు. మంజుల పరిస్థితి విషమంగా ఉన్నట్టు తెలుస్తోంది. ఇబ్రహీంపట్నం పోలీస్ స్టేషన్లో పైన పేర్కొన్న నరసింహ, మల్లయ్య వారసులపై పోలీసులకు ఫిర్యాదు చేశారు. మృతుని సోదరులు ఫిర్యాదు చేశారు. కేసు దర్యాప్తులో ఉన్నట్లు ఇబ్రహీంపట్నం ఏసీపీ కేపీవీ రాజు తెలిపారు. ఇదిలా ఉంటే మల్లయ్య, జంగయ్య వారసులు సైతం తమపై దాడులు చేసినట్లు ఈ దాడిలో శ్రీశైలం, బాలరాజు, లింగస్వామి, యాదయ్య, పారిజాతలకు సైతం తీవ్ర గాలైనట్లు తెలుస్తోంది. వారు కూడా ఆసుపత్రిలో చికిత్సలు పొందుతున్నారు. 
ఈసీ శేఖర్ గౌడ్ పై కేసు నమోదు చేయాలి..
దాయాదుల దాడిలో మృతి చెందిన మల్లయ్య కుమారుడు బాలరాజు హత్యలో కీలక పాత్రధారిగా ఆరోపిస్తూ కాంగ్రెస్ నాయకుడు ఈసీ శేఖర్ గౌడ్ ను అరెస్టు చేయాలని మృతిని బంధువులు డిమాండ్ చేశారు. ఇబ్రహీంపట్నం ప్రభుత్వాసుపత్రి ముందు బాలరాజు మృతదేహాన్ని తరలించకుండా వాహనాన్ని అడ్డుకున్నారు. ఈ భూ వివాదం తెగకుండా నిందితుని పక్షాన ఈసీ శేఖర్ గౌడ్ వ్యవహరించి హత్యకు ఉరికొల్పాడని ఆరోపించారు. ఆయనకు వ్యతిరేకంగా నినాదాలు చేశారు. వెంటనే ఇబ్రహీంపట్నం ఏసీపీ కేపీవి రాజు జోక్యం చేసుకొని ఆందోళనకారులతో చర్చించారు. ఏసీపీ జోక్యాంతో ఆందోళనకారులు వెనక్కి తగ్గారు. మృతదేహాన్ని ఉస్మానియాకు పోస్టుమార్టం నిమిత్తం తరలించారు. 
పోలీస్ పికెటింగ్..
గ్రామంలో ఎలాంటి అవాంఛనీయ సంఘటనలు చోటు చేసుకోకుండా ఇబ్రహీంపట్నం ఏసీపీ కేపీవీ రాజు సారాధ్యంలో పోలీస్ పికెటింగ్ ఏర్పాటు చేశారు. ఇటు ఈ దాడిలో తీవ్రంగా గాయాలపాలై చికిత్స పొందుతున్న ఆసుపత్రుల వద్ద సైతం పోలీస్ టికెట్ కొనసాగుతోంది. మరోవైపు మంజుల ఆరోగ్య పరిస్థితి సైతం ఆందోళనకరంగా ఉన్నట్లు పుకారు సికార్లు చేస్తున్నడంతో మరింత పోలీసు బందోబస్తును పెంచారు. ఎప్పటికప్పుడు ఇరు వర్గాలకు సంబంధించిన నాయకులతో చర్చలు జరుపుతూ శాంతియుత వాతావరణ కల్పించేందుకు ఏసీపీ ప్రయత్నాలు చేస్తున్నారు.