ట్రంప్‌నకు కెనడా ప్రధాని షాక్‌

అమెరికన్‌ రక్షణ నిధులకు అడ్డుకట్ట
టోరంటో : కెనడా నూతన ప్రధాన మంత్రి మార్క్‌ కార్నీ ఒక కీలక ప్రకటన చేశారు. ఇప్పటివరకు కెనడా సైనిక వ్యయం లేదా రక్షణ బడ్జెట్‌లో 70శాతం అమెరికాకు వెళ్లేదని, ఇకపై అలా జరగదని స్పష్టం చేశారు. ఈ డబ్బును కెనడాలోనే ఉండే కెనడియన్‌ ప్రజలు, కంపెనీల కోసం ఖర్చు చేయనున్నట్టు ప్రకటించారు.
కెనడా ఇకపై ”బై కెనడియన్‌” (కెనడి యన్‌ ఉత్పత్తులనే కొనండి) విధానాన్ని అవ లంబిస్తుందని ఆ దేశ ప్రధాని కార్నీ ప్రక టించారు. దీని అర్థం ఏమిటంటే.. కెనడా కేంద్ర ప్రభుత్వం ఎప్పుడు కొనుగోలు చేసినా, కెనడియన్‌ కంపెనీలు, కెనడియన్‌ సరఫరా దారులకు మొదటి అవకాశం లభిస్తుంది. అమెరికన్‌ కంపెనీలు గతంలో పొందిన ప్రయోజనాలను ఇకపై పొందలేవు.
ఈ నిర్ణయం ఎందుకు తీసుకున్నారు?
అమెరికా అధ్యక్షుడు డోనాల్డ్‌ ట్రంప్‌, కెనడా మధ్య కొనసాగుతున్న ఉద్రిక్తతల కార ణంగా ఈ నిర్ణయం తీసుకున్నారు. కెనడాపై ట్రంప్‌ వివిధ సుంకాలను విధించారు. కెనడా గురించి అనేక వివాదాస్పద ప్రకటనలు చేశారు. దీనికి ప్రతిస్పందనగా.. కెనడా నూతన ప్రధాన మంత్రి కార్నీ మాట్లాడుతూ.. తమ దేశ ప్రయోజనాలను కాపాడటానికి తాను కఠినమైన నిర్ణయాలు తీసుకోగలనని నిరూపించడానికి ప్రయత్నించారు.
కార్నీ ఏ సందేశాన్ని అందించారు?
తన ప్రసంగంలో కార్నీ… కెనడా ప్రజల కు అండగా నిలుస్తానని, కొత్త ప్రభుత్వం వారి తోనే ఉందని పేర్కొన్నారు. కెనడాను బలో పేతం చేయడానికి ఇకపై కెనడియన్‌ ఉక్కు, కెనడియన్‌ అల్యూమినియం, కెనడియన్‌ కలప, కెనడియన్‌ కార్మికులను ఉపయోగిస్తా మని ఆయన తెలిపారు. ఇది ఒక విధంగా, తమ దేశానికి ప్రథమ ప్రాధాన్యత ఇవ్వాలన్న సందేశం.అని పేర్కొన్నారు.
యునైటెడ్‌ స్టేట్స్‌పై ప్రభావమెంత?
ప్రధాన అమెరికన్‌ రక్షణ సంస్థలకు ఇప్పటివరకు కెనడా నుంచి వచ్చే అనేక బిలియన్‌ డాలర్ల ఆర్డర్లు తగ్గవచ్చు.. లేదా పూర్తిగా ఆగిపోవచ్చు. అయితే కెనడా రక్షణ బడ్జెట్‌ చిన్న మొత్తమేమీ కాదు, దానిలో 70 శాతాన్ని నిలిపివేయడం అంటే అమెరికన్‌ కంపెనీలకు పెద్ద దెబ్బే తగలబోతోంది.
ఈ డబ్బు యూఎస్‌కు ఎందుకు వెళ్లింది?
ఒక దేశం తన సైన్యం కోసం ఆయు ధాలు, వాహనాలు, నౌకలు, క్షిపణులు లేదా ఇతర పరికరాలను కొనుగోలు చేసినప్పుడు, అది ఒక కంపెనీ నుంచి కొనుగోలు చేస్తుంది. ఇప్పటి వరకు.. కెనడా తన రక్షణ బడ్జెట్‌లో గణనీయమైన భాగాన్ని, అంటే ప్రతి డాలర్‌కి 70 సెంట్లను, అమెరికన్‌ కంపెనీలకు కేటాయిస్తూ వచ్చింది. దీని అర్థం ఏమిటంటే, అమెరికన్‌ కంపెనీలు కెనడియన్‌ సైన్యం కోసం పరికరాలను తయారు చేశాయి. కెనడా వారికి చెల్లించింది.
కెనడా-అమెరికా సంబంధాలపై ప్రభావం
ఈ నిర్ణయం రెండు దేశాల మధ్య ఇప్పటికే ఉన్న ఉద్రిక్తతలను మరింత తీవ్రతరం చేస్తుంది. ట్రంప్‌, కార్నీల మధ్య సంబంధాలు ఇప్పటికే ఉద్రిక్తంగా ఉన్నాయి. కెనడా తీసుకున్న ఈ చర్య, అది ఇకపై అమెరికాపై ఆధారపడటానికి ఇష్టపడటం లేదనే స్పష్టమైన సందేశాన్ని పంపుతోంది.