నవతెలంగాణ న్యూఢిల్లీ: టాటా పవర్ ఢిల్లీ డిస్ట్రిబ్యూషన్ లిమిటెడ్ సహకారంతో విద్యుత్ మంత్రిత్వ శాఖ ఆధీనంలోని కేంద్ర విద్యుత్ అథారిటీ (సిఈఏ),ఈరోజు ‘లైన్మ్యాన్ దివస్’ ఆరవ ఎడిషన్ను న్యూఢిల్లీలో వేడుక చేసింది. దేశవ్యాప్తంగా విద్యుత్ సేవలను నమ్మకంగా అందించడంలో కీలక పాత్ర పోషించే లైన్మ్యాన్ , గ్రౌండ్ మెయింటెనెన్స్ సిబ్బంది యొక్క అవిశ్రాంత అంకితభావం, అమూల్యమైన సేవలను గుర్తించడం ఈ లైన్మ్యాన్ దివస్ ప్రధాన లక్ష్యం.
ఈ కార్యక్రమానికి భారత విద్యుత్, నూతన & పునరుత్పాదక ఇంధన శాఖ సహాయ మంత్రి శ్రీపాద యెస్సో నాయక్ హాజరయ్యారు. కార్యదర్శి (విద్యుత్) పంకజ్ అగర్వాల్ కీలకోపన్యాసం చేశారు. సిఈఏ చైర్పర్సన్ ఘనశ్యామ్ ప్రసాద్,టాటా పవర్-డిడిఎల్ సీఈఓ ద్విజదాస్ బసక్, విద్యుత్ రంగం అంతటా సీనియర్ నాయకులు విశిష్ట వాటాదారులతో కలిసి పాల్గొన్నారు.
భారతదేశం వ్యాప్తంగా 66కి పైగా రాష్ట్ర, ప్రైవేట్ విద్యుత్ పంపిణీ మరియు ఉత్పత్తి కంపెనీల నుండి సుమారు 250 మంది లైన్మెన్, సూపర్వైజర్లు, ట్రాన్స్మిషన్ లైసెన్స్దారులు ఈ కార్యక్రమంలో పాల్గొన్నారు. దేశవ్యాప్తంగా నిరంతర విద్యుత్ సరఫరాను నిర్ధారించే ఫ్రంట్లైన్ విద్యుత్ రంగ కార్మికుల అంకితభావాన్ని లైన్మన్ దివస్ గుర్తిస్తుందని శ్రీపాద యెస్సో నాయక్ అన్నారు. వ్యక్తిగత రక్షణ పరికరాలను నిరంతరం ఉపయోగించడం, నిర్వహణ పనులు చేపట్టే ముందు సరైన షట్డౌన్ నిర్ధారణ, శిక్షణ ద్వారా కార్యాలయంలో భద్రతా సంస్కృతిని బలోపేతం చేయవలసిన అవసరాన్ని ఆయన నొక్కి చెప్పారు. లైన్మ్యాన్ దివస్ ఆరవ ఎడిషన్ ఇతివృత్తం – ‘సేవా, సురక్ష, స్వాభిమాన్’ – గురించి ప్రస్తావిస్తూ, ఇది విద్యుత్ రంగం ఫ్రంట్లైన్ వర్క్ఫోర్స్ యొక్క సేవా స్ఫూర్తి, భద్రత మరియు గౌరవాన్ని ప్రతిబింబిస్తుందన్నారు.
లైన్మెన్లను విద్యుత్ రంగం యొక్క యోధులుగా పేర్కొంటూ, కఠినమైన వాతావరణం లేదా ప్రకృతి వైపరీత్యాల సమయంలో, ప్రజలు ఇంటి లోపల ఉన్నప్పుడు, విద్యుత్తును పునరుద్ధరించడానికి , విద్యుత్ సరఫరా కొనసాగింపును నిర్ధారించడానికి లైన్మెన్ ముందుకు వస్తారని విద్యుత్ కార్యదర్శి పంకజ్ అగర్వాల్ వెల్లడించారు. ఈ కార్యక్రమంలో సిఈఏ చైర్పర్సన్ ఘనశ్యామ్ ప్రసాద్ మాట్లాడుతూ ఈ ఫ్రంట్లైన్ కార్మికులకు గుర్తింపుతో పాటు బలమైన రక్షణ , సాధికారత ఉండాలని నొక్కి చెప్పారు.
ఈ కార్యక్రమ ప్రాముఖ్యత గురించి టాటా పవర్ ఢిల్లీ డిస్ట్రిబ్యూషన్ లిమిటెడ్ సీఈఓ ద్విజాదాస్ బసక్ మాట్లాడుతూ, “‘లైన్మ్యాన్ దివస్’ అనేది మన ఫ్రంట్లైన్ యోధులకు అంకితమైన ఒక ప్రత్యేకమైన వేదిక. టాటా పవర్-DDLలో, స్థిరమైన విద్యుత్ రంగం సాధికారత కలిగిన, రక్షిత ఫ్రంట్లైన్ కార్మికులతో ప్రారంభమవుతుందని గట్టిగా విశ్వసిస్తున్నాము” అని అన్నారు.
