అమెరికాకు ఇరాన్ వార్నింగ్..

నవతెలంగాణ – హైదరాబాద్ : పశ్చిమ ఆసియాలో వ్యూహాత్మకంగా అత్యంత కీలకమైన ‘హర్మూజ్ జలసంధి’ పరిధిలో అమెరికా జోక్యం చేసుకుంటే.. తమ సాయుధ దళాల నుండి అత్యంత వేగవంతమైన, నిర్ణయాత్మకమైన ప్రతిస్పందన ఎదుర్కోవాల్సి వస్తుందని ఇరాన్ హెచ్చరికలు జారీ చేసింది. ఈ మేరకు ఇరాన్ ప్రధాన సైనిక విభాగమైన ‘ఖాతమ్ అల్-అన్బియా సెంట్రల్ హెడ్‌క్వార్టర్స్’ ఒక అధికారిక ప్రకటన విడుదల చేసింది. హర్మూజ్ జలసంధి అనేది అమెరికా తన దూకుడును ప్రదర్శించడానికి ఒక ఆటస్థలం కాదని, అది ఇరాన్ తిరుగులేని సార్వభౌమాధికార పరిధిలోని భూభాగమని ఇరాన్ సైన్యం స్పష్టం చేసింది. ఈ జలసంధి భద్రత, స్థిరత్వం తమ సైన్యానికి ఒక ‘రెడ్ లైన్’ (లక్ష్య రేఖ) అని, దీనిని ఉల్లంఘిస్తే సహించేది లేదని పేర్కొంది.