- Advertisement -
ఖేలో ఇండియా యూనివర్సిటీ గేమ్స్‌
హైదరాబాద్‌ : రాజస్థాన్‌ వేదికగా జరుగుతున్న ఖేలో ఇండియా యూనివర్సిటీ గేమ్స్‌లో తెలంగాణ యువ ఆర్చర్‌ తానిపర్తి చికితారావు స్వర్ణం సహా రజత పతకంతో మెరిసింది. శనివారం జరిగిన మహిళల కాంపౌండ్‌ టీమ్‌ ఈవెంట్‌లో లవ్లీ ప్రొఫెషనల్‌ యూనివర్సిటీ(ఎల్‌పీయూ) తరఫున బరిలోకి దిగిన చికిత, సునైన దేవి, మధురతో కూడిన త్రయం 230 పాయింట్లతో పసిడి పతకం కొల్లగొట్టింది. అదే దూకుడు కొనసాగిస్తూ మహిళల కాంపౌండ్‌ వ్యక్తిగత విభాగం ఫైనల్లో చికిత 143 పాయింట్లతో రెండో స్థానంలో నిలిచి రజతం ఖాతాలో వేసుకోగా, అదితికి స్వర్ణం దక్కింది. మొత్తంగా రెండు ఈవెంట్లలో ఈ పెద్దపల్లి ఆర్చర్‌ తనదైన ప్రతిభతో పతకాలు కొల్లగొట్టింది.
- Advertisement -
