సీఎం స్వగ్రామం కొండారెడ్డిపల్లి సర్పంచ్‌ పదవి ఏకగ్రీవం

సీఎం చిన్ననాటి మిత్రుడు వెంకటయ్యకు అవకాశం
నవతెలంగాణ- వంగూరు
గ్రామ పంచాయతీ ఎన్నికల నేపథ్యంలో సీఎం స్వగ్రామంలో సర్పంచ్‌ పదవి ఏకగ్రీవమైంది. వంగూరు మండలంలోని కొండారెడ్డిపల్లి సర్పంచ్‌ ఎస్సీ రిజర్వేషన్‌ అయింది. మొత్తం 15 మంది అభ్యర్థులు పోటీకి సిద్ధమైనప్పటికీ, సీఎం సొంత గ్రామం కావడంతో ఏకగ్రీవం చేయాలనే ఉద్దేశంతో గ్రామ పెద్దల సమక్షంలో ఆశావాహుల పేర్లను సీఎం దృష్టికి తీసుకెళ్లి ఒప్పించారు. ఒకరిని సీల్డ్‌ కవర్‌ ద్వారా ఎంపిక చేయడంతో అందరూ ఒప్పుకున్నారు. సీఎం చిన్ననాటి మిత్రుడు వెంకటయ్యకు అవకాశం కల్పించడంపై పలువురు సంతోషం వ్యక్తం చేశారు.