పోషకాహారంతోనే సంపూర్ణ ఆరోగ్యం.!

అంగన్వాడీల సూపర్ వైజర్ భాగ్యలక్ష్మి
నవతెలంగాణ – మల్హర్ రావు
పోషకాహారంతోనే గర్భిణీలకు, చిన్నారులకు, బాలింతలకు, చిన్న పిల్లల తల్లులు సంపూర్ణ ఆరోగ్యంగా ఉంటారని, అంగన్ వాడిల్లో అందించే పోషకహరాలను సద్వినియోగం చేసుకోవాలని అంగన్వాడిల మండల సూపర్ వైజర్ భాగ్యలక్ష్మి అన్నారు. పోషణ మాసం కార్యక్రమంలో భాగంగా బుధవారం కొయ్యుర్ అంగన్వాడిల టీచర్లు మాలిక, రాజితల అంగన్ వాడి కేంద్రంలో సంపూర్ణ ఆరోగ్యం..పోషణ మాసం నిర్వహించారు. ఈ కార్యక్రమానికి ముఖ్యదితిగా సూపర్ వైజర్ హాజరై మాట్లాడారు. గర్భిణీలు, బాలింతలకు పోషకారం,1000 డేస్ ప్రాముఖ్యతపై అవగాహన కల్పించి, చిన్న పిల్లల తల్లులుతో ప్రతిజ్ఞ చేయించారు. ప్రీస్కూల్ పిల్లల శాతాన్ని పెంచాలని అంగన్ వాడి టీచర్లను ఆదేశించారు. గర్భిణీలు, బాలింతలు రక్తహీనత రాకుండా ఆకుకూరలు, గుడ్లు, పాలు, డ్రైఫ్రూట్స్ తీసుకోవాలని సూచించారు. ఈ కార్యక్రమంలో ఎన్జీవో సమ్మయ్య, గర్భిణీలు, బాలింతలు, చిన్నారులు, ఆయాలు పాల్గొన్నారు.