పోషకారంతోనే సంపూర్ణ ఆరోగ్యం.!

నవతెలంగాణ – మల్హర్ రావు
పోషకారంతోనే గర్భిణీలకు,చిన్నారులకు,బాలింతలకు,చిన్న పిల్లల తల్లులు సంపూర్ణ ఆరోగ్యంగా ఉంటారని, అంగన్ వాడిల్లో అందించే పోషకహరాలను సద్వినియోగం చేసుకోవాలని అంగన్వాడిల టీచర్లు కల్యాణి,స్వర్ణలత, సరితా లు అన్నారు. పోషణ మాసం కార్యక్రమంలో భాగంగా గురువారం మండలంలోని కొండంపేట, ఇప్పలపల్లి గ్రామాల్లోని అంగన్ వాడి కేంద్రాల్లో సంపూర్ణ ఆరోగ్యం..పోషణ మాసం నిర్వహించారు. ఈ సందర్భంగా చిన్నారులకు అన్నప్రసన్న, అక్షరాబ్యాసం, గర్భిణీలకు సీమంతాలు నిర్వహించారు. గర్భిణీలు,బాలింతలకు పోషకారం, 1000 డేస్ ప్రాముఖ్యతపై అవగాహన కల్పించి, చిన్న పిల్లల తల్లులుతో ప్రతిజ్ఞ చేయించారు. గర్భిణీలు, బాలింతలు రక్తహీనత రాకుండా ఆకుకూరలు, గుడ్లు, పాలు, డ్రైఫ్రూట్స్ తీసుకోవాలని సూచించారు. ఈ కార్యక్రమంలో ఆశాలు, గర్భిణీలు, బాలింతలు, చిన్నారులు, ఆయాలు పాల్గొన్నారు.