క్రెడాయ్ తెలంగాణ నూతన కమిటీ ఎన్నిక

– చైర్మెన్‌గా ప్రేమ్‌ సాగర్‌ రెడ్డి.. అధ్యక్షుడిగా ఇంద్రసేనారెడ్డి నియామకం
నవ తెలంగాణ – హైదరాబాద్‌
కాన్ఫెడరేషన్‌ ఆఫ్‌ రియల్‌ ఎస్టేట్‌ డెవలపర్స్‌ అసోసియేషన్స్‌ ఆఫ్‌ ఇండియా (క్రెడాయ్) తెలంగాణ నూతన మేనేజింగ్‌ కమిటీని ఎన్నుకున్నారు. 2025- 2026 సంవత్సరాలకు గాను ఈ కమిటీ అమల్లో ఉండనుంది. పరిశ్రమ ప్రాతినిధ్యం పెంచడం, తెలంగాణ అంతటా రియల్‌ ఎస్టేట్‌ అభివృద్ధిని వేగవంతం చేసేలా కొత్తగా ఎన్నికైన నాయకత్వ బృందం బాధ్యత వహించనుందని ఆ వర్గాలు తెలిపాయి. కాగా.. క్రెడాయ్ తెలంగాణ ఎన్నికైన ఆఫీస్‌ బేరర్లలో చైర్మెన్‌గా ప్రేమ్‌ సాగర్‌ రెడ్డి, అధ్యక్షుడిగా కె. ఇంద్ర సేనా రెడ్డి ఉన్నారు. ప్రెసిడెంట్‌ ఎలెక్ట్‌గా ఎస్‌. రాం రెడ్డి ఉన్నారు. ఉపాధ్యక్షులుగా ఎం. శ్రీకాంత్‌, గోవర్ధన్‌ రెడ్డి, రాం రెడ్డి, సత్యనారాయణ రెడ్డి నియమితులయ్యారు. పల్లెర్ల నాగప్రసాద్‌ జాయింట్‌ సెక్రెటరీగా వ్యవహరిస్తారు. కొత్తగా బాధ్యతలు చేపట్టిన ఈ బృందం తెలంగాణ ప్రభుత్వంతో భాగస్వామ్యాన్ని బలోపేతం చేయాలని నిర్దేశించుకుంది.

”అత్యాధునిక సాంకేతికత, స్థిరమైన నిర్మాణ పద్ధతుల వినియోగాన్ని ప్రోత్సహించడం, నైపుణ్యం, సామర్థ్య నిర్మాణ కార్యక్రమాల ద్వారా డెవలపర్‌లను శక్తివంతం చేయడం. ద్వితీయ, తృతీయ శ్రేణీ నగరాల్లో ఇంటిగ్రేటెడ్‌ టౌన్‌షిప్‌లు, ప్లాట్‌ చేసిన భూముల అభివృద్ధికి మద్దతు ఇవ్వడం. సమ్మిళిత, సమానమైన రియల్‌ ఎస్టేట్‌ వృద్ధిని నిర్ధారిం చడానికి విధానాలను విస్తరించడం.” లాంటి లక్ష్యాలను క్రెడారు నూతన కమిటీ నిర్దేశించుకుంది.
”మౌలిక సదుపాయాల నుంచి పారిశ్రామిక సమూహాల వరకు తెలంగాణ వేగంగా విస్తరిస్తోంది. భవిష్యత్‌ వృద్ధి కోసం మనం రెండు మరియు మూడవ అంచె నగరాలపై దృష్ట్టి పెట్టాలి. ” అని నూతన చైర్మెన్‌ ప్రేమ్‌ సాగర్‌ రెడ్డి పేర్కొన్నారు.

”రియల్‌ ఎస్టేట్‌ రంగం సవాళ్లను అర్థం చేసుకున్న ముఖ్యమంత్రి రేవంత్‌ రెడ్డిపై మాకు పూర్తి నమ్మకం ఉంది. ఆయన దార్శనిక నాయకత్వంలో, తెలంగాణ వ్యవస్థలు, ప్రక్రియలు భారతదేశానికే కాకుండా ప్రపంచవ్యాప్తంగా బెంచ్‌ మార్క్‌లను నిర్దేశించనున్నాయి.” అని క్రెడాయ్ తెలంగాణ అధ్యక్షుడు కె ఇంద్రసేనా రెడ్డి అన్నారు.
”మెట్రోయేతర ప్రాంతాల సమగ్ర అభివద్ధి కోసం రాష్ట్ర ప్రభుత్వానికి మద్దతు ఇవ్వడానికి మేము కట్టుబడి ఉన్నాము. ఇది హైదరాబాద్‌ నగరంపై పెరుగుతున్న ఒత్తిడిని తగ్గించడానికి, అన్ని ప్రాంతాలలో వృద్ధిని ప్రోత్సహించడానికి సహాయపడుతుంది.” అని క్రెడాయ్ తెలంగాణ ప్రెసిడెంట్‌ ఎలెక్ట్‌ ఎస్‌ రామ్‌ రెడ్డి తెలిపారు. ”క్రెడాయ్ తెలంగాణా అన్ని అధ్యాయాలలో ఆర్థిక పారదర్శకత, వివేకవంతమైన వనరుల నిర్వహణను నిర్ధారించడం మా లక్ష్యం.” అని కోశాధికారి జగన్‌ మోహన్‌ పేర్కొన్నారు.