దసరా కానుకగా ‘ధన పిశాచి’ సాంగ్‌ రిలీజ్‌

సుధీర్‌ బాబు, సోనాక్షి సిన్హా ప్రధాన పాత్రలలో నటిస్తున్న మోస్ట్‌ ఎవైటెడ్‌ సూపర్‌ నేచురల్‌ మైథలాజికల్‌ థ్రిల్లర్‌ ‘జటాధర’. ఈ పాన్‌-ఇండియా ద్విభాషా చిత్రానికి వెంకట్‌ కళ్యాణ్‌, అభిషేక్‌ జైస్వాల్‌ దర్శకత్వం వహించారు. ఇటీవల రిలీజ్‌ అయిన టీజర్‌ నేషనల్‌ వైడ్‌గా వైరల్‌ అయ్యింది. ఫస్ట్‌ ట్రాక్‌ ‘సోల్‌ ఆఫ్‌ జటాధార’కి అద్భుతమైన రెస్పాన్స్‌ వచ్చింది. విజయదశమి కానుకగా ఈ సినిమా నుంచి అక్టోబర్‌ 1న ‘ధన పిశాచి..’ సాంగ్‌ రిలీజ్‌ చేస్తున్నారు. ఈ సందర్భంగా రిలీజ్‌ చేసిన సాంగ్‌ అనౌన్స్మెంట్‌ పోస్టర్‌ అందరిలో ఆసక్తిని రేకెత్తిస్తోంది. దివ్య ఖోస్లా, శిల్పా శిరోధ్కర్‌, ఇంద్రకష్ణ, రవి ప్రకాష్‌, నవీన్‌ నేని, రోహిత్‌ పాఠక్‌, ఝాన్సీ, రాజీవ్‌ కనకాల, సుభలేఖ సుధాకర్‌తో పాటు ప్రముఖ నటీనటులు నటిస్తున్న ఈ చిత్రం మంచికి- చెడుకి, వెలుగుకి-చీకటికి, మానవ సంకల్పానికి- విధికి మధ్య జరిగే అద్భుతమైన పోరాటాన్ని చూపించబోతోంది అని మేకర్స్‌ తెలిపారు. జీ స్టూడియోస్‌, ప్రేరణ అరోరా సమర్పిస్తున్న ఈ చిత్రాన్ని ఉమేష్‌ కుమార్‌ బన్సల్‌, శివిన్‌ నారంగ్‌, అరుణ అగర్వాల్‌, ప్రేరణ అరోరా, శిల్పా సింగ్‌హల్‌, నిఖిల్‌ నందా నిర్మించారు. అక్షరు కేజ్రీవాల్‌, కుస్సుమ్‌ అరోరా సహ నిర్మాతలుగా వ్యవహరిస్తున్నారు. డివ్యా విజరు క్రియేటివ్‌ ప్రొడ్యూసర్‌గా, భావిని గోస్వామి సూపర్వైజింగ్‌ ప్రొడ్యూసర్‌గా ఉన్నారు. సినిమాకి పవర్‌ఫుల్‌ సౌండ్‌స్కేప్‌ను జీ మ్యూజిక్‌ కో అందిస్తోంది. నవంబర్‌ 7న హిందీ, తెలుగు భాషల్లో ఈ సినిమా విడుదల కానుంది.