లవ్‌ ఫీల్‌తో ‘కలలే..కలలే’

హీరో కిరణ్‌ అబ్బవరం నటిస్తున్న కొత్త సినిమా ‘కె-ర్యాంప్‌’. హాస్య మూవీస్‌, రుద్రాంశ్‌ సెల్యులాయిడ్‌ బ్యానర్లపై నిర్మాతలు రాజేష్‌ దండ, శివ బొమ్మకు సంయుక్తంగా నిర్మిస్తున్నారు. యుక్తి తరేజా హీరోయిన్‌గా నటిస్తోంది. జైన్స్‌ నాని దర్శకత్వం దర్శకుడు. ఈ మూవీ దీపావళి పండుగ సందర్భంగా అక్టోబర్‌ 18న గ్రాండ్‌ థియేట్రికల్‌ రిలీజ్‌కు రాబోతోంది.
ఈ నేపథ్యంలో గురువారం ఈ సినిమా నుంచి మ్యాజికల్‌ లవ్‌ సాంగ్‌ ‘కలలే కలలే’ రిలీజ్‌ గురించి మేకర్స్‌ అప్డేట్‌ ఇచ్చారు. ఈ నెల 9న ఈ సాంగ్‌ను విడుదల చేస్తున్నట్లు ప్రకటించారు. ఈ పాట అనౌన్స్‌ మెంట్‌ సందర్భంగా హీరో కిరణ్‌ అబ్బవరం స్పందిస్తూ, ‘లవ్‌లో ఉన్నవాళ్లు ఫీల్‌ అవ్వండి, లేని వాళ్లు ఊహించుకోండి, మ్యాజికల్‌ మెలోడీ వస్తోంది..’ అంటూ ట్వీట్‌ చేశారు.
నరేష్‌, సాయి కుమార్‌, వెన్నెల కిషోర్‌ తదితరులు నటిస్తున్న ఈ చిత్రానికి ప్రొడక్షన్‌ డిజైనర్‌ – బ్రహ్మ కడలి, యాక్షన్‌ – పథ్వీ, ఎడిటర్‌ – ఛోటా కె ప్రసాద్‌, డీవోపీ – సతీష్‌ రెడ్డి మాసం, మ్యూజిక్‌ – చేతన్‌ భరద్వాజ్‌, కో-ప్రొడ్యూసర్‌-బాలాజీ గుట్ట, రచన, దర్శకత్వం – జైన్స్‌ నాని.