జిల్లా రోడ్ల భవనాల శాఖ ఉద్యోగులు టీఎన్జీవోస్ లో చేరిక 

నవతెలంగాణ –  కామారెడ్డి
టీఎన్జీవోస్ కామారెడ్డి జిల్లా శాఖ ఆధ్వర్యంలో జిల్లా రోడ్ల భవనాల శాఖ ఉద్యోగులు శుక్రవారం సభ్యత్వం తీసుకున్నారని జిల్లా అధ్యక్షులు నరాల వెంకట్ రెడ్డి తెలిపారు. ఈ సందర్భంగా సభ్యత్వం తీసుకున్న ఉద్యోగులు మాట్లాడుతూ.. టి ఎన్ జి ఓ ఎస్ 80 సంవత్సరాల చరిత్ర కలిగినా యూనియన్ అని ఉద్యోగుల సమస్యల పట్ల చిత్తశుద్ధితో పనిచేస్తున్న టీఎన్జీఓస్ సంఘంలో సభ్యత్వం కొన్నామని తెలిపారు. భవిష్యత్తులో  పెన్షనర్స్  రిటైర్మెంట్ బెనిఫిట్స్, ఉద్యోగుల, పెండింగ్ బిల్లులు, పిఆర్సి , 5 డి ఎ లు , ఆరోగ్యకార్డులు, వివిధ సమస్యలపై పోరాడి సమస్యల పరిష్కారానికి టిఎన్జీవోస్ యూనియన్ మాత్రమే కృషి చేస్తోందని పేర్కొన్నారు. ఈ కార్యక్రమంలో టీఎన్జీవోస్ కామారెడ్డి  జిల్లా కార్యదర్శి ముల్క నాగరాజు, జిల్లా సహాధ్యక్షులు ఎమ్ చక్రధర్, సంయుక్త కార్యదర్శి  అబ్దుల్ ఖదీర్, జిల్లా ఈ సి మెంబర్  సాయినాథ్, అర్బన్ తాలూకా అధ్యక్షులు కె శ్రీనివాస్ రెడ్డి, అర్బన్ ఉపాధ్యక్షులు భక్తవత్సలం, జిల్లా రోడ్ల భవనాల శాఖ ఫోరమ్ అధ్యక్షులు సంపత్, కామారెడ్డి  ఉద్యోగులు తదితరులు పాల్గొన్నారు.