వాటితో ప్రత్యేకంగా..

శర్వా ‘బైకర్‌’లో మోటార్‌సైకిల్‌ రేసర్‌గా ప్రేక్షకులను థ్రిల్‌ చేయడానికి సిద్ధంగా ఉన్నారు. అభిలాష్‌ రెడ్డి కంకర దర్శకత్వంలో యువి క్రియేషన్స్‌ ఈ సినిమాని నిర్మించింది. ఈ చిత్రం పూర్తయ్యే దశకు చేరుకుంది. ఫస్ట్‌ లుక్‌, టైటిల్‌తో ఇప్పటికే మంచి బజ్‌ క్రియేట్‌ చేసింది. ఈ చిత్రానికి సంబంధించిన ఫస్ట్‌ ల్యాప్‌ గ్లింప్స్‌ నేటి (శుక్రవారం) నుంచి థియేటర్లలో ప్రత్యేకంగా ప్రదర్శించబడనుంది. ఇదే రోజు విడుదల అవుతున్న ‘బాహుబలి: ది ఎపిక్‌, మాస్‌ జాతర’ సినిమాలకు అటాచ్డ్‌గా ఈ గ్లింప్స్‌ చూపించబోతున్నారు. ప్రేక్షకులకు ఇది డిజిటల్‌ విడుదలకు ముందే ఒక థియేట్రికల్‌ ట్రీట్‌గా నిలుస్తుంది. గ్లింప్స్‌ డిజిటల్‌గా నవంబర్‌ 1న సాయంత్రం 4:05 గంటలకు విడుదల కానుంది.

1990, 2000 బ్యాక్‌డ్రాప్‌లో సాగే ‘బైకర్‌’ రేసింగ్‌ యాక్షన్‌తో పాటు ఎమోషనల్‌, మల్టీ జనరేషనల్‌ ఫ్యామిలీ డ్రామా. స్పీడ్‌, యాంబిషన్‌, హార్ట్‌ఫెల్ట్‌ రిలేషన్‌షిప్స్‌తో మూడు జనరేషన్స్‌ ఒకే రేసింగ్‌ కలతో, కుటుంబ బంధాలతో సాగే అద్భుతమైన కథ. ఈ చిత్రంలో మాళవిక నాయర్‌ హీరోయిన్‌గా నటిస్తుండగా, బ్రహ్మాజీ, అతుల్‌ కులకర్ణి కీలక పాత్రల్లో కనిపించనున్నారు. ఈ చిత్రానికి రచన, దర్శకత్వం: అభిలాష్‌ రెడ్డి కంకర, నిర్మాతలు: వంశీ-ప్రమోద్‌, సమర్పణ: విక్రమ్‌, సంగీతం: జిబ్రాన్‌, డీఓపీ : యువరాజ్‌, ప్రొడక్షన్‌ డిజైనర్‌: రాజీవ్‌, ఎడిటర్‌: అనిల్‌ కుమార్‌ పి, ఆర్ట్‌ డైరెక్టర్‌: ఎ పనీర్‌ సెల్వం.