ఫీల్‌ గుడ్‌ లవ్‌ సాంగ్స్‌

అదోనై పిక్చర్స్‌ క్రియేషన్స్‌ సమర్పణలో కొరియో గ్రాఫర్‌ సత్య మాస్టర్‌ దర్శకత్వంలో అంకిత జాదవ్‌, రోహిత్‌ భోగ హీరో, హీరోయిన్స్‌గా నటించిన ‘నువ్వే ఉండిపో ఇలా’, ‘నువ్వేలే’ పేరుతో రెండు పాటల రిలీజ్‌ కార్యక్రమం ఘనంగా జరిగింది. ఈ పాటలను కెకె రెడ్డి నిర్మించారు. జయంత్‌ ఆర్యన్‌ సంగీతాన్ని సమకూర్చిన ఈ పాటలకు రాంబాబు గోసాల సాహిత్యాన్ని అందించారు. లిప్సిక, అదితి భావరాజు పాడారు.
ఈ కార్యక్రమంలో దర్శకులు సాయి రాజేశ్‌, శైలేష్‌ కొలను, కొరియోగ్రాఫర్‌ జానీ మాస్టర్‌, ఆషురెడ్డి అతిథులుగా పాల్గొన్నారు.
ఈ సందర్భంగా కొరియోగ్రాఫర్‌, డైరెక్టర్‌ సత్య మాస్టర్‌ మాట్లాడుతూ, ‘అతి తక్కువ మంది క్రూతో రెండు సాంగ్స్‌ను తక్కువ టైమ్‌లో కంప్లీట్‌ చేశాం. ప్రొడ్యూసర్‌ కేకే రెడ్డి ఎంతో ప్యాషనేట్‌గా ఈ పాటలను ప్రొడ్యూస్‌ చేశారు. జయంత్‌ మ్యూజిక్‌, లిప్సిక, అదితి పాడిన తీరు, రాంబాబు సాహిత్యం మిమ్మల్ని ఆకట్టుకుంటాయి’ అని అన్నారు.
‘మంచి లవ్‌ ఫీల్‌తో ఈ పాటలను బ్యూటీఫుల్‌గా పిక్చరైజ్‌ చేశారు మా డైరెక్టర్‌ సత్య. ఆయన కొరియోగ్రఫీ కూడా హైలైట్‌ అవుతుంది. లిప్సిక, అదితి ఈ పాటలను పాడిన విధానం చూస్తే వారికి గానకోకిల అని పిలవాలని అనిపిస్తోంది. జయంత్‌ మంచి ట్యూన్‌తో కంపోజ్‌ చేశారు. ఈ పాటలు మళ్లీ మళ్లీ వినేలా ఉంటాయి. మంచి పాటలుగా మీ ఆదరణ పొందుతాయి’ అని నిర్మాత కేకే రెడ్డి చెప్పారు. హీరోయిన్‌ అంకిత జాదవ్‌ మాట్లాడుతూ, ‘నేను చేసిన ఐదో మ్యూజిక్‌ ఆల్బమ్‌ ఇది. ఈ పాటలను న్యూయార్క్‌, షికాగోలో షూట్‌ చేశాం.