నవతెలంగాణ-పాలకుర్తి
ట్రాక్టర్ ఢీకొని ఐదు గొర్రెలు మృతి చెందిన సంఘటన ఆదివారం పాలకుర్తి శివారులో గల పెద్దమ్మ గుడి సమీపంలో చోటు చేసుకుంది. స్థానికులు తెలిపిన వివరాల ప్రకారం మండలంలోని ఎల్లమ్మ గడ్డ తండాకు చెందిన ఆంగోతు రవి తన గొర్రెలను మేపుకొని పాలకుర్తిలో గల ఇంటికి గొర్రెలను తోలుకొని వెళ్ళచుండగా ట్రాక్టర్ అదుపుతప్పి గొర్రెల పైకి వెళ్లడంతో ఐదు గొర్రెలు మృతి చెందాయని తెలిపారు. ట్రాక్టర్ ప్రమాదంలో ఐదు గొర్రెలు మృతి చెందడంతో 60000 నష్టం వాటిల్లిందని బాధితుడు రవి తెలిపారు. గొర్రెలను ఢీ కొట్టిన ట్రాక్టర్ అదుపుతప్పి రోడ్డు పక్కకు దూసుకుపోయిందని తెలిపారు. ట్రాక్టర్ డ్రైవర్ ఆలకుంట్ల సంపత్ అజాగ్రత్త వల్లే ప్రమాదం వాటిల్లిందని బాధితులు తెలిపారు. సమాజంలో ట్రాక్టర్ డ్రైవర్ ఆరోగ్యం నిలకడగా ఉందని అన్నారు. ట్రాక్టర్ ప్రమాదంలో మృతి చెందిన గొర్రెలకు పరిహారం చెల్లించాలని రైతు ట్రాక్టర్ యజమానిని డిమాండ్ చేశారు.
