తెలంగాణ సంప్రదాయాలకు ప్రతీక పూల పండుగ

మోడల్ స్కూల్ ప్రిన్స్ పాల్ పూర్ణచంద్రరావు
నవతెలంగాణ – మల్హర్ రావు
తెలంగాణ సాంప్రదాయాలకు ప్రతీక పూల పండుగని ఎడ్లపల్లి మోడల్ స్కూల్ ప్రిన్స్ పాల్ పూర్ణచందర్ అన్నారు. సద్దుల బతుకమ్మ వేడుకలు పురస్కరించుకుని మోడల్ స్కూల్లో ముందస్తుగా బతుకమ్మ వేడుకలు అంగరంగవైభవంగా నిర్వహించారు. ఈ సందర్భంగా తీరొక్క పూలతో బతుకమ్మ పేర్చి ఉపాధ్యాయురాళ్లు, విద్యార్థినిలు బతుకమ్మ ఆడారు. తెలంగాణ సంస్కృతి, సంప్రదాయాలను భావితరాలకు అందించాలని, తెలంగాణ ఆడపడుచులు తొమ్మిది రోజులపాటు పూల పండుగ నిర్వహిస్తారని తెలిపారు. ఈ కార్యక్రమంలో ఉపాధ్యాయులు, విద్యార్థులు పాల్గొన్నారు.