సింగరేణి డైరెక్టర్‌గా గౌతమ్‌ పొట్రు బాధ్యతల స్వీకరణ

నవతెలంగాణ-హైదరాబాద్‌బ్యూరో
సింగరేణి కాలరీస్‌ డైరెక్టర్‌ (పర్సనల్‌, అడ్మినిస్ట్రేషన్‌ అండ్‌ వెల్ఫేర్‌)గా నియమితులైన గౌతమ్‌ పొట్రు శనివారం బాధ్యతలు స్వీకరించారు. హైదరాబాద్‌ సింగరేణిభవన్‌లో సంస్థ సీఎమ్‌డీ ఎన్‌ బలరామ్‌ ఈ కార్యక్రమంలో పాల్గొ న్నారు. నూతన డైరెక్టర్‌కు పుష్పగుచ్ఛం అందించి అభినందనలు తెలిపారు. ఇప్పటివరకు ఈ బాధ్యతలను డైరెక్టర్‌ (ప్రాజెక్ట్స్‌ అండ్‌ ప్లానింగ్‌) కే వెంకటేశ్వర్లు అదనంగా నిర్వహిస్తున్నారు. నూతన డైరెక్టర్‌కు సంస్థ డైరెక్టర్లు ఎల్వీ సూర్యనారాయణ, కే వెంకటేశ్వర్లు, ఎగ్జిక్యూటివ్‌ డైరెక్టర్‌ కోల్‌ మూమెంట్‌ ఎస్డీఎమ్‌ సుభాని, జనరల్‌ మేనేజర్‌ (మార్కెటింగ్‌) ఎన్వీ రాజశేఖర్‌రావు శుభాకాంక్షలు తెలిపారు.