వన్డే ప్రపంచకప్‌ షెడ్యూల్‌ విడుదల
దుబాయ్ : ఐసీసీ పురుషుల(అండర్‌-19) ప్రపంచకప్‌ షెడ్యూల్‌ బుధవారం విడుదలైంది. జింబాబ్వే, నమీబియా సంయుక్తంగా ఆతిథ్యమివ్వనున్న ఈ టోర్నీ 2026 జనవరి 15 నుంచి ఫిబ్రవరి 6వరకు జరుగనుంది. మూడు వారాల పాటు జరిగే ఈ మెగా టోర్నీలో మొత్తం 16 జట్లు ప్రాతినిధ్యం వహించనున్నాయి. ఫిబ్రవరి 6న హరారేలో జరిగే ఫైనల్‌తో సహా 41 మ్యాచ్‌లు జరుగనున్నాయి. తొలి మ్యాచ్‌లో గత సీజన్‌ రన్నరప్‌ భారత్‌, అమెరికా జట్లు తలపడనున్నాయి. ఆరోజే జింబాబ్వే, స్కాట్లాండ్‌, టాంజానియా, వెస్టిండీస్‌ మ్యాచ్‌లు కూడా జరుగనున్నాయి. డిఫెండింగ్‌ ఛాంపియన్‌ ఆస్ట్రేలియా వారి తొలి మ్యాచ్‌ను జనవరి 16న ఐర్లాండ్‌తో ఆడనుంది. ఈ టోర్నీలోని మ్యాచ్‌లు రెండు ఆతిథ్య దేశాల్లోని ఐదు మైదానాల్లో జరుగుతాయి. ఈ టోర్నీలో పాల్గొనే 16 జట్లను నాలుగు గ్రూప్‌లుగా విభజించారు. అనంతరం సూపర్‌-6, సెమీఫైనల్స్‌, ఫైనల్స్‌ జరుగుతాయి. ఈ టోర్నీకి సంబంధించిన వార్మప్‌ మ్యాచ్‌లు జనవరి 9-14 మధ్యలో జరుగుతాయి.
గ్రూప్‌లు..
ఎ : భారత్‌, బంగ్లాదేశ్‌, అమెరికా, న్యూజిలాండ్‌
బి : జింబాబ్వే, పాకిస్తాన్‌, ఇంగ్లండ్‌, స్కాట్లాండ్‌
సి : ఆస్ట్రేలియా, ఐర్లాండ్‌, జపాన్‌, శ్రీలంక
డి : వెస్టిండీస్‌, టాంజానియా, ఆఫ్ఘనిస్తాన్‌, దక్షిణాఫ్రికా
