ఘనంగాబాబు జగ్జీవన్ రామ్ వర్ధంతి

నవతెలంగాణ -ముధోల్
మండల కేంద్రమైన ముధోల్ ల్లోని మోచి సంఘ ఆధ్వర్యంలో  జ్యోతిబాపూలే చౌర స్తాలో ఆదివారం బాబు జగ్జీవన్ రామ్ వర్ధంతి వేడుకలను ఘనంగా నిర్వహించారు. ఈ సందర్భంగా  విగ్రహానికి పూలమాలలు వేసి నివాళులర్పించారు. అనంతరం పలువురు మాట్లాడుతూ.. బాబు జగ్జీవన్ రామ్ స్వాతంత్ర సమరయోధుడిగా, సంఘ సంస్కర్తగా, సమతావాదిగా దేశానికి విశేష సేవలందించారన్నారు. జగ్జీవన్ రామ్ దేశాభివృద్ధి కోసం అనేక సంస్కరణలు తీసుకొచ్చారని పేర్కొన్నారు. ఈ కార్యక్రమంలో బీజేపీ మండల అధ్యక్షులు కోరి పోతన్న, పిఎసిఎస్ డైరెక్టర్  ధర్మపురి  సుదర్శన్, మాజీ ఎంపీటీసీ దేవోజీ భూమేష్, నాయకులు తాటేవర్ రమేష్, మోహన్ యాదవ్, బతినోళ్ల సాయినాథ్, జీవన్,  మొచి సంఘం సభ్యులు సాయిలు, సభ్యులు, తదితరులు పాల్గొన్నారు.