Saturday, November 29, 2025
E-PAPER
Homeజిల్లాలుసర్పంచ్ బాగుంటే ఊరు బాగుంటుంది… 

సర్పంచ్ బాగుంటే ఊరు బాగుంటుంది… 

- Advertisement -

గ్రామ అభివృద్ధి– మీ ఓటులోనే……

సర్పంచ్ ఎన్నికల్లో ప్రజలు డబ్బు మందుకు అమ్ముడు పోవద్దు

కుక్కలు కోతులు పందుల సమస్యకు పరిష్కారం అడగాలి

నవతెలంగాణ – ఆలేరు రూరల్ 

గ్రామ అభివృద్ధికి పునాది పంచాయతీ ఎన్నికలు.ఈ ఎన్నికల్లో సర్పంచ్‌ స్థానానికి ఉన్న ప్రాముఖ్యత అపారం. ఎందుకంటే గ్రామం ఎలా మారాలి? ఏ దిశగా సాగాలి?ఏ పనులకు ప్రాధాన్యం ఇవ్వాలి? వంటి కీలక నిర్ణయాలు సర్పంచ్ నాయకత్వంలోనే అమలవుతాయి.గ్రామంలో అనేక వివాదాల పరిష్కారానికి సర్పంచ్ తీసుకుని నిర్ణయాలు కూడా కీలకంగా ఉంటాయి.ఇలాంటి సందర్భంలో ఓటర్లు తీసుకునే నిర్ణయం గ్రామం వచ్చే ఐదేళ్ల దారిని నిర్ణయిస్తుంది.

ప్రలోభాలకు గురికావద్దు ..

ప్రతీ ఎన్నికల సమయంలో కనిపించే తాత్కాలిక ప్రయోజనాలు,ప్రలోభాలు గ్రామ అభివృద్ధిని ఎప్పుడూ ముందుకు తీసుకురావు.కానీ నిజాయితీ,సేవాభావం,ప్రజలతో కలిసికట్టుగా పనిచేసే నాయకత్వం మాత్రమే గ్రామాన్ని మార్చగలదు.అభ్యర్థుల గత చరిత్ర, ప్రజలలో ఉన్న నమ్మకం,గ్రామ సమస్యలపై ఉన్న అవగాహన వంటి అంశాలను స్థానికంగా ఉంటాడా లేదా అని ఓటర్లు పరిశీలించాల్సిన బాధ్యత ఉంది.

అందుబాటులో ఉండే నాయకుడిని ఎన్నుకోవాలి…..

గ్రామం ఎదగాలంటే నాయకుడు అందుబాటులో ఉండాలి.గ్రామం ఎదుర్కొంటున్న మౌలిక సదుపాయాల లోపం, లేకుండా శానిటేషన్,రహదారులు,తాగునీరు, వీధి దీపాలు పాఠశాల మురుగునీటి నిలువ లేకుండా ప్రతి సమస్యపై పట్టుదలతో పని చేసే సంకల్పం ఉన్న అభ్యర్థి అవసరం.ముఖ్యంగా పందులు కోతులు కుక్కలతో ప్రజలు సతమతమవుతున్నారు. దీనికి పరిష్కారం ఎలా చూపుతారు అంటూ ఓటుకు వచ్చే వారిని ప్రశ్నించండి.అభివృద్ధి అంటే కేవలం వాగ్దానాలు కాదు…ఆచరణలో చూపే పనితీరే అసలు నాయకత్వ లక్షణం

సంక్షేమ పథకాలు అందించడంలో దృష్టి సారించే వ్యక్తులను ఎన్నుకోవాలి

కేంద్ర రాష్ట్ర ప్రభుత్వాల నుండి వస్తున్న సంక్షేమ పథకాలను ప్రజలకు అందించడంలో చోరువ ఉండాలి.పక్కన ఉన్న గ్రామ పంచాయతీలతో పోటీపడే ఉత్తమ గ్రామ పంచాయతీగా తెచ్చే  వ్యక్తిత్వం కలవారు సర్పంచ్ గా ఎన్నికైతే బాగుంటుంది.

యువతతోనే మార్పు సాధ్యం…

ఈసారి ఓటర్లు కేవలం అభ్యర్థి పార్టీ కులం మతం ఆర్థిక స్తోమత కాదు… సర్పంచ్ పోటీ చేసే వ్యక్తికి ప్రజల పట్ల అంకిత భావం తో సేవ చేయాలనే పట్టుదల గ్రామం ఎదుర్కొంటున్న సమస్యలపై అవగాహన, ఈ మేరకు ఉందని  పరిగణనలోకి తీసుకోవాలి.గ్రామం మార్పు ఓటుతోనే మొదలవుతుంది.అందరికీ సమానంగా ఉన్నది గ్రామంలో ఒకే ఒక ఓటు మాత్రమే ఆ ఓటు పేద ధనిక భూస్వామకి తేడా చూపదు.నీ ఓటు అంత పవిత్రమైందని గుర్తుంచుకోవాలి.ప్రలోభాలకు గురికాకుండా ఓటును జాగ్రత్తగా వేయాలని ముఖ్యంగా ఆలేరు మండలంలోని గ్రామలలో ఉన్న యువత మంచి నాయకులను ఎన్నుకోవాలని ప్రచారం చేయాలి.మార్పు యువత తలుచుకుంటే సాధ్యమవుతుంది.ఈ ఎన్నికలను మార్పు దిశగా గ్రామ అభివృద్ధకి మార్గం చూపాలి.

- Advertisement -
RELATED ARTICLES
- Advertisment -

తాజా వార్తలు

- Advertisment -