Monday, December 1, 2025
E-PAPER
Homeతాజా వార్తలుసమాజానికి ఉపయోగపడే చిత్రాలు

సమాజానికి ఉపయోగపడే చిత్రాలు

- Advertisement -

టాలీవుడ్‌లోకి మరో చిత్ర నిర్మాణ సంస్థ రాబోతోంది. ‘ఆర్‌ ఎక్స్‌ప్లోర్‌ మూవీస్‌’ పేరుతో నిర్మాత అతీకూర్‌ రెహమాన్‌ ఈ సంస్థను ప్రారంభించారు. ఆదివారం హైదరాబాద్‌ ఫిలింఛాంబర్‌లో ‘ఆర్‌ ఎక్స్‌ ప్లోర్‌ మూవీస్‌’ బ్యానర్‌ లాంచ్‌ ఈవెంట్‌ ఘనంగా జరిగింది. ఈ కార్యక్రమంలో మహతి మాట్లాడుతూ, ‘ఈ బ్యానర్‌లో ఎన్నో మంచి చిత్రాలు రావాలి. ప్రేక్షకులకు వినోదంతో పాటు సందేశాన్ని కూడా అందించాలని కోరుకుంటున్నా’ అని అన్నారు. ‘నేడు సమాజంలో మనమంతా ఎన్నో సమస్యలు చూస్తున్నాం. చైల్డ్‌ ట్రాఫికింగ్‌, డ్రగ్స్‌, వుమెన్‌ ట్రాఫికింగ్‌, సోషల్‌ మీడియా ఫ్రాడ్స్‌..ఇలా ఎన్నో సమస్యల్లో చిక్కుకుని మన యువత దారి తప్పుతున్నారు. ఇబ్బందులకు గురవుతున్నారు. అలాంటి యువతను అప్రమత్తం చేసేలా, వారిని ఇలాంటి ఇబ్బందుల్లో ఇరుక్కోకుండా చేసేలా కాన్సెప్ట్‌లు ఎంచుకుని మా బ్యానర్‌లో సినిమాలు నిర్మించాలను కుంటున్నాం. మేము నిర్మించనున్న మొదటి సినిమాకు కథ సిద్ధమైంది. ఈ సినిమా కోసం త్వరలో ఆడిషన్స్‌ నిర్వహించబోతున్నాం. టాలెంట్‌ ఉన్న వారిని ఎలాంటి డబ్బులు వసూలు చేయకుండా మా సినిమాలో నటించేందుకు అవకాశం కల్పిస్తాం.

ఎన్‌జీవో ద్వారా ఇప్పటికే నా వంతు అవగాహన కార్యక్రమాలు చేపడుతున్నాను. అయితే యువతకు ఇంకా దగ్గరగా చేరువ కావాలంటే సినిమాలే మార్గమని భావిస్తున్నా. మన తెలుగు స్టేట్స్‌లోనే కాదు దేశవ్యాప్తంగా మా సినిమాలు ప్రభావం చూపించేలా నిర్మాణం చేస్తాం. నాకు ధర్మేంద్ర, అమితాబ్‌ బచ్చన్‌ లాంటి బాలీవుడ్‌ స్టార్స్‌తో సాన్నిహిత్యం ఉంది. తెలుగులో విజయశాంతి, సుమన్‌తో సహా చాలా మంది పరిచయాలు ఉన్నాయి. రాజకీయంగా ఎంతోమంది ప్రముఖులు నాకు మిత్రులుగా ఉన్నారు. కరాటే అసోసియేషన్‌కు నేను స్టేట్‌ ప్రెసిడెంట్‌గా పనిచేస్తున్నా. నేనొక హెచ్‌ఆర్‌ సంస్థను నిర్వహిస్తున్నాను. ఆ సంస్థలో వందలాది మంది ఉద్యోగులు ఉన్నారు’ అని నిర్మాత అతీకూర్‌ రెహమాన్‌ తెలిపారు. డాక్టర్‌ సత్యవతి, అరుణ తదితరులు ఈ వేడుకలో పాల్గొని నిర్మాత అతీకూర్‌ రెహమాన్‌ మంచి చిత్రాలతో యువతలో మార్పు తీసుకురావాలని ఆశించారు.

- Advertisement -
RELATED ARTICLES
- Advertisment -

తాజా వార్తలు

- Advertisment -