Sunday, November 30, 2025
E-PAPER
Homeతాజా వార్తలు'అఖండ 2'లో సనాతన ధర్మ పరాక్రమాన్ని చూస్తారు

‘అఖండ 2’లో సనాతన ధర్మ పరాక్రమాన్ని చూస్తారు

- Advertisement -

బాలకష్ణ నటిస్తున్న కొత్త చిత్రం ‘అఖండ 2’. బోయపాటి శ్రీను దర్శ కత్వంలో రామ్‌ ఆచంట, గోపీచంద్‌ ఆచంట నిర్మిస్తున్నారు. ఎం తేజస్విని నందమూరి సమర్పిస్తున్నారు. ఈ చిత్రం 2డీ, 3డీ రెండు ఫార్మాట్లలో డిసెంబర్‌ 5న ప్రపంచవ్యాప్తంగా గ్రాండ్‌గా విడుదల కానుంది. ఈ సందర్భంగా మేకర్స్‌ గ్రాండ్‌గా ప్రీరిలీజ్‌ ఈవెంట్‌ నిర్వహించారు. భారీ సంఖ్యలో అభిమానులు హాజరైన ఈ వేడుక అద్భుతంగా జరిగింది. బాలకష్ణ మాట్లాడుతూ, ‘ఇటీవల గోపీచంద్‌ దర్శకత్వంలో ఒక సినిమాని ప్రారంభించాం. ‘చరిత్రలో చాలామంది ఉంటారు. చరిత్రని మరలా మరలా తిరిగి రాసి సష్టించేవాడు ఒకడే ఉంటాడు. నేనే ఈ చరిత్ర.. నాదే ఆ చరిత్ర’ ఆ సినిమాలోని డైలాగ్‌ ఇది. మంచి మంచి టెక్నీషియన్స్‌తో పని చేయడం నా అదష్టం. సినిమా అంటే ఒక ఆత్మ. ఆ ఆత్మని పట్టుకోవాలి. నేనెప్పుడూ కూడా అభిమానుల గురించి, ప్రేక్షకుల గురించి ఆలోచిస్తూ ఉంటాను. మంచి సినిమా ఇవ్వాలి, మంచి సందేశం ఇవ్వాలి అని పయత్నిస్తుంటాను.

కరోనాతో భారతదేశమంతా భయపడుతున్న తరుణంలో ‘అఖండ’ చిత్రాన్ని విడుదల చేసి ఘన విజయాన్ని అందుకున్నాం. మహా శివుడు శక్తి, ఆదిశక్తి సాక్షిగా గంగమ్మ తల్లి ఆశీర్వాదంతో చెబుతున్నాను. ఈ రుద్ర తాండవ విన్యాసం నాలో ఆవేశమై, ఆ త్రినేత్రుడి వీక్షణ దష్టి నాలో నిక్షిప్తమై, ఆయన త్రిశూలం నా ఆయుధానికి శక్తి శూలమై.. ఎలా ఉండబోతుందో నా పాత్రని మీరు తెరపై చూస్తారు. బోయపాటి, నేను ఏదైనా సినిమా చేయాలనుకుంటే మూడే నిమిషాలు మాట్లాడుకుంటాం. ఆ మహా యజ్ఞంలోకి దిగిపోతాం. ఈ సినిమా విజయోత్సవ సభని అన్ని ప్రాంతాల్లో జరుపుకుంటాం. సనాతన ధర్మం మనదే భారతదేశానికి మూలాలు. ఆనాడు ఛత్రపతి శివాజీ సైన్యంలో కూడా అఘోరాలు ఉండేవారు. గొప్ప పోరాటం చేసేవారు. నా సినిమా ఉగాది పచ్చడి లాంటిది.
అన్ని రసాలు ఉండాలి. ఈ సినిమాలో సంయుక్త చేసిన పాట కూడా చాలా మంచి సందర్భంలో వస్తుంది. ఆది పినిశెట్టి చాలా చక్కని పాత్ర చేశారు. సంగీతం బాగుంటే ఆ సినిమా హిట్‌ అయినట్టే. ఈ సినిమా హిట్‌ కాదు పేలిపోతున్నారు.

తమన్‌ అంత అద్భుతమైన మ్యూజిక్‌ ఇచ్చారు. తనతో చేసిన నాలుగు సినిమాలు వరుసగా హిట్లు. ఇప్పుడు ఈ సినిమా కూడా అద్భుతమైన విజయం సాధించబోతోంది. మురళీమోహన్‌ ఇందులో చాలా మంచి పాత్ర చేశారు’ అని తెలిపారు. ‘బాలయ్య మా ఆస్తి. ఆయనే మా పవర్‌, ఆయనే మా ధైర్యం. ఇప్పుడే సెన్సార్‌ నుంచి వచ్చాను. సినిమాకి యు/ఏ సర్టిఫికెట్‌ వచ్చింది. సెన్సార్‌ సభ్యులు చాలా గౌరవంగా అభినందించారు. ఈ సినిమా తర్వాత మీరు గౌరవమైన స్థానంలో ఉంటారని చెప్పటం చాలా ఆనందంగా అనిపించింది. నేను ఎమోషన్‌ని నమ్ముతాను. ఆ ఎమోషన్‌ నుంచి వచ్చే యాక్షన్‌ని నమ్ముతాను. ఆ యాక్షన్‌కి నాతో పాటు పనిచేసిన రామ్‌ లక్ష్మణ్‌ మాస్టర్స్‌ అలాగే ఫ్యూచర్లో బెస్ట్‌ మాస్టర్‌ అయ్యే రాహుల్‌, అలాగే ఒక ఫైట్‌కి రవి వర్మ పనిచేశారు. కొరియోగ్రాఫర్స్‌కి ధ్యాంక్స్‌. నా విజన్‌ స్క్రీన్‌ మీద చూపించే కెమెరామెన్‌, ఆ విజన్‌కి ప్రాణం పోసిన మ్యూజిక్‌ ఇచ్చే తమన్‌.. ఇలా ప్రతి ఒక్కరికీ థ్యాంక్స్‌’ అని దర్శకుడు డైరెక్టర్‌ బోయపాటి శ్రీను చెప్పారు.

- Advertisement -
RELATED ARTICLES
- Advertisment -

తాజా వార్తలు

- Advertisment -