చలికాలంలో కీళ్ల నొప్పులా?

చలికాలం రాగానే ఉష్ణోగ్రతలు గణనీయంగా పడిపోతాయి. దీంతో జలుబు, గొంతునొప్పి, జ్వరం లాంటి వివిధ వ్యాధుల బారిన పడటం సాధారణం. అలాగే చల్లని వాతావరణం వల్ల కీళ్ల నొప్పులు పెరుగుతాయని, ఆర్థరైటిస్‌ లక్షణాలు మరింత తీవ్రమయ్యే అవకాశం ఉంది. అయితే ఇందులో నిజమెంత? చలికాలానికి, మోకాళ్ల నొప్పులకు సంబంధం ఏంటి? మరి ఈ నొప్పుల నుంచి ఉపశమనం పొందాలంటే ఏం చేయాలి? ఎలాంటి జాగ్రత్తలు తీసుకోవాలి? తెలుసుకుందాం. చల్లని వాతావరణం కీళ్లను గట్టిపరుస్తుంది రక్త ప్రవాహాన్ని తగ్గిస్తుంది, చిన్న కదలికలను కూడా కష్టతరం చేస్తుంది. తక్కువ తేమతో కూడిన అధిక ఉష్ణోగ్రతలు గౌట్‌ మంట ప్రమాదాన్ని రెట్టింపు చేస్తాయని అధ్యయనం కనుగొంది. ఆర్థరైటిస్‌తో బాధపడే వారికి శీతాకాలంలో వాతావరణ మార్పు వల్ల కీళ్ళు సాధారణం కంటే ఎక్కువగా ఉబ్బి, నొప్పి పెరగడానికి దారితీస్తుందని తేలింది.తక్కువ బారోమెట్రిక్‌ పీడనం శరీరంలోని కణజాలాలు నరాలపై ఒత్తిడిని పెంచుతుంది.

మరి కీళ్ల నొప్పుల నుంచి ఉపశమనం పొందాలంటే?
వింటర్‌ సీజన్‌లో శారీరక శ్రమ తగ్గడం వల్ల ఎముకల మధ్య కదలిక తగ్గిపోతుంది. దీంతోపాటు విటమిన్‌ డి లోపం కూడా కీళ్ల నొప్పులకు మరో కారణం.
క్రమం తప్పకుండా వ్యాయామం చేయాలి. కండరాలు దృఢంగా ఉండే వ్యాయామాలను ఎంచుకోవాలి.
ఇంట్లోనే సైక్లింగ్‌ చేయడం వంటి తక్కువ ప్రభావ వ్యాయామాలు ఉత్తమం.
ఎక్కువసేపు ఒకే భంగిమలో ఉండకుండా, కదలిక ఉండేలా చూసుకోండి.
కీళ్లలో నొప్పినుంచం ఉపశమనం కలిగే , దృఢత్వాన్ని పెంచే ఆసనాలు తెలుసుకొని ఆచరించాలి.

చలికాలం కదా అశ్రద్ధ చేయకుండా, తగినంత నీరును తాగాలి.
చలికాలం వచ్చిందంటే వృద్ధులకే కాదు, యుక్తవయస్సులో ఉన్నవారిలో కూడా కొంతమందికి మోకాళ్ల నొప్పులు మొదలవుతాయి
రక్త ప్రసరణ మెరుగుపరచడానికి , దృఢత్వాన్ని తగ్గించడానికి వెచ్చని బట్టలు ధరించాలి. వేడి నీటి స్నానం మంచిది.
నొప్పి ఉన్న ప్రదేశంలో ఉపశమనం కోసం హీట్‌ ప్యాడ్‌లను వాడవచ్చు.
కీళ్ల నొప్పులకు మరో చక్కటి ఉపశమనం మసాజ్‌. ఇది చాలా ప్రభావవంతంగా పని చేస్తుంది.
నువ్వుల నూనె, కొబ్బరి నూనెతో పది నిమిషాల పాటు మసాజ్‌ చేసుకుంటే ఉపశమనం లభిస్తుంది.