విద్యార్థులకు కరాటేలు గ్రేడింగ్ పోటీలు 

నవతెలంగాణ – జోగులాంబ గద్వాల
గద్వాల్ పట్టణంలో డ్రాగన్ షోటో ఖాన్ కరాటే డు స్పోర్ట్స్ వారి ఆధ్వర్యంలో గద్వాల్ పట్టణంలోని బెటర్ లైఫ్ మోడల్ స్కూల్ పాఠశాలలో బెల్ట్ గ్రేడింగ్ టెస్ట్ నిర్వహించారు. పాఠశాల ప్రధానోపాధ్యాయులు సౌజన్య గద్వాల జిల్లా చుట్టుపక్కల ప్రాంతం నుండి విచ్చేసిన 110 మంది విద్యార్థులకు  ఎల్లో, గ్రీన్, ఆరెంజ్, బ్లూ, మెరూన్, బ్రౌన్, బ్లాక్ బెల్టు  సర్టిఫికెట్లను  అందజేశారు. ఈ సందర్భంగా ఆమె మాట్లాడుతూ మా పాఠశాల ఆవరణలో ఈ బెల్ టెస్ట్ నిర్వహించడం చాలా సంతోషకరమన్నారు.  పాఠశాల డైరెక్టర్ సంజీవరెడ్డి మాట్లాడుతూ కరాటే నేటి సమాజంలో చాలా అత్యున్నత స్థానంలో ఉందన్నారు.

నేటి సమాజంలో మహిళల పైన జరుగుతున్నటువంటి అగయిత్యాలను అరికట్టడానికి కరాటే ఎంతో  అవసరమన్నారు.  కరాటే నేర్చుకోవడం చేత చదువులో రాణిస్తారని చదువులో ఏకాగ్రత పెరుగుతుందన్నారు. అదేవిధంగా శారీరక దృఢత్వం, సమాజంలో పేరు ప్రాఖ్యాతలను  పొందుతారన్నారు. ఈ కార్యక్రమంలో క్లబ్ ఫౌండర్ సలాం బిన్ ఉమర్, సెక్రటరీ షేక్ అబ్దుల్ సలాం, చీఫ్ ఎగ్జామినర్ అమ్రేష్ , శివాజీ, హితేష్, శ్రీనివాస్ రెడ్డి,  క్లబ్ సలహాదారులు వెంకటేశ్వర్లు, లక్ష్మణ్, జద్దాలే, కరాటే మాస్టర్ మొహమ్మద్ అర్సత్, ఎం.డి. సుల్తాన్, వరుణ్, అబ్బో, విజయ్, ఆకాష్, నరసింహ, ప్రశాంత్, హిందూ విద్యార్థినీ విద్యార్థుల తల్లిదండ్రులు పాల్గొన్నారు.