మాఫియా నేపథ్యంలో ‘మకుటం’

హీరో విశాల్‌ ప్రస్తుతం ‘మకుటం’ చిత్రంతో ప్రేక్షకుల్ని మెప్పించేందుకు రెడీ అవు తున్నారు. ఇది ఆయన హీరోగా రాబోతున్న 35వ ప్రాజెక్ట్‌.
సూపర్‌ గుడ్‌ ఫిల్మ్స్‌ బ్యానర్‌ మీద ఆర్‌ బి చౌదరి 99వ చిత్రంగా దీన్ని భారీ ఎత్తున నిర్మిస్తున్నారు.
ఈ సినిమాకు రవి అరసు దర్శకత్వం వహిస్తున్నారు. తాజాగా ఈ మూవీకి సంబం ధించిన టైటిల్‌ టీజర్‌ను రిలీజ్‌ చేసి అందరినీ ఆకట్టుకున్నారు.
సముద్రం బ్యాక్‌ డ్రాప్‌ మాఫియా కథతో తెరకెక్కుతున్న ఈ చిత్రంలో విశాల్‌ సరసన అంజలి, దుషార విజయన్‌ నటిస్తున్నారు.
వినాయక చవితి పండగ నేపథ్యంలో ఈచిత్రం నుంచి ఓ పోస్టర్‌ను మేకర్స్‌ విడుదల చేశారు. ఈ పోస్టర్‌ను గమనిస్తే, విశాల్‌ ఈ చిత్రంలో మూడు డిఫరెంట్‌ లుక్స్‌, షేడ్స్‌లో కనిపించబోతోన్నారని అర్థం అవుతోంది. విశాల్‌ యంగ్‌ లుక్‌, మిడిల్‌ ఏజ్‌ లుక్‌, ఓల్డేజ్‌ లుక్‌లో అందరినీ సర్‌ప్రైజ్‌ చేస్తున్నారు.
ప్రస్తుతం ఈ మూవీ షూటింగ్‌ శరవేగంగా జరుగుతోంది. విశాల్‌, దుషార విజయన్‌, అంజలి, తంబి రామయ్య, అర్జై తదితరులు నటిస్తున్న ఈచిత్రానికి నిర్మాత: ఆర్‌బి చౌదరి, దర్శకుడు: రవి అరసు, సంగీత దర్శకుడు: జి.వి. ప్రకాష్‌ కుమార్‌, సినిమాటోగ్రాఫర్‌: రిచర్డ్‌ ఎం.నాథన్‌, ఎడిటర్‌: ఎన్‌బి శ్రీకాంత్‌, కళా దర్శకుడు: జి.దురైరాజ్‌, కాస్ట్యూమ్‌ డిజైనర్‌: వాసుకి భాస్కర్‌.