అనుమానాస్పద స్థితిలో వ్యక్తి మృతి…

 నవతెలంగాణ- దుమ్ముగూడెం: దుమ్ముగూడెం మండలంలోని పాత నారాయణరావుపేట గ్రామానికి చెందిన కూరం సమ్మయ్య (48) అనే వ్యక్తి ఎర్ర చెరువులో అనుమానాస్పద స్థితిలో మృతి చెందాడు. వివరాలు ఇలా ఉన్నాయి పి నారాయణ రావు పేట గ్రామానికి చెందిన సమ్మయ్య ఈనెల 26న ధాన్యం విక్రయించిన డబ్బుల కోసం రామకృష్ణ అనే వ్యాపారి వద్దకు వెళ్లాడు. అక్కడి నుంచి ఇర్ఫా నగేష్ అనే వ్యక్తితో కలిసి సమీపంలో ఉన్న సిరిగుండం గ్రామానికి వెళ్లారు. అక్కడ ఒక కోడిని కొనుగోలు చేసి, వారు మద్యం సేవించినట్లు తెలుస్తోంది. తిరుగు ప్రయాణంలో సమ్మయ్యను నగేష్ మార్గ మధ్యలో వదిలేసి ఇంటికి వచ్చేసాడు. కుటుంబ సభ్యులు సమ్మయ్య ఆచూకీ కోసం తీవ్రంగా గాలించారు. అనంతరం స్థానికంగా ఉన్న ఎర్ర చెరువులో సమ్మయ్య మృతి చెంది ఉండడం శుక్రవారం స్థానికులు గమనించి వారి కుటుంబ సభ్యులకు పోలీసులకు సమాచారం ఇచ్చారు. సంఘటనపై పూర్వపరాలు తెలుసుకుంటున్న సి ఐ వెంకటప్పయ్య కేసు నమోదు చేసి దర్యాప్తు చేస్తున్నారు.