మండల స్థాయి టీచింగ్ లెర్నింగ్ మెటీరియల్

నవతెలంగాణ – పెద్దకొడప్ గల్
మండలంలోని అన్ని ప్రాథమిక, ప్రాథమికోన్నత పాఠశాలల ప్రధానోపాధ్యాయులు, ఉపాధ్యాయులు ఈరోజు టి ఎల్ ఎం టీచింగ్ లెర్నింగ్ మెటీరియల్ మేలా కార్యక్రమం  మండల విద్యాధికారి ప్రవీణ్ కుమార్ ఆధ్వర్యంలో నిర్వహించడం జరిగింది. ఈ టిఎల్ఎమ్ మేళ ద్వారా విద్యార్థులకు సులభ పద్ధతిలో అర్థమయ్యే రీతిలో బోధన చేసేందుకువివిధరకాలఆకృతులతోపాఠశాలప్రధానోపాధ్యాయులు,ఉపాధ్యాయులు రూపొందించిన మేళాను ఎమ్మార్వో దశరథ్  సందర్శించి, సంతృప్తి వ్యక్తం చేయడం జరిగింది.

ఈ సందర్భంగా మాట్లాడుతూ… ప్రభుత్వ పాఠశాలలో విద్యార్థులకు నాణ్యమైన విద్య అందించడానికి టిఎల్ఎం మేళ ఎంతో ఉపయోగకరంగా ఉంటుందని, ప్రైవేట్ రంగ సంస్థలకు దీటుగా అన్ని రంగాల్లో ప్రభుత్వ పాఠశాలలే ముందున్నాయని, విద్యార్థులు వారి తల్లిదండ్రులు మన ఊరు మన ప్రభుత్వబడిలో చేర్పించాలని ఎమ్మార్వో దశరథ్ అన్నారు. విద్యార్థులకు సులభ పద్ధతిలో అర్థమయ్యేలా రూపొందించిన మెటీరియల్ను పరిశీలించి ఉత్తమ ప్రతిభ కనబరిచిన పాఠశాలకు ప్రశంసా పత్రాలు అందజేయడం జరిగింది.ఈ కార్యక్రమంలో పెద్దకొడప్ గల్ జిల్లా పరిషత్ పాఠశాల ప్రధాన ఉపాధ్యాయురాలు కమల,వడ్లం జిల్లా పరిషత్ పాఠశాల ప్రధాన ఉపాధ్యాయులు వల్లభ రావు,పిఆర్టియు మండల అధ్యక్షులు జగదీష్,కార్యదర్శి కిషోర్ ఆయా పాఠశాల ఉపాధ్యాయులు పాల్గొన్నారు.