మణిశర్మ బ్యాక్‌గ్రౌండ్‌ స్కోర్‌ హైలెట్‌గా..

జైశ్నవ్‌ ప్రొడక్షన్‌, మాహాతేజ క్రియేషన్స్‌లో ‘అద్భుతం, టెనంట్‌’ వంటి చిత్రాలను నిర్మించిన మొగుళ్ళ చంద్రశేఖర్‌ నిర్మాణంలో రూపొందుతున్న చిత్రం ‘గోట్‌’. క్రికెట్‌ నేపథ్యంలోనే కామెడీ ప్రధాన అంశంగా తెరకెక్కుతున్న ఈ చిత్రంలో సుడిగాలి సుధీర్‌, దివ్యభారతి ప్రధాన పాత్రధారులుగా నటిస్తున్నారు. ఇప్పటికే షూటింగ్‌ పూర్తి చేసుకున్న ఈ చిత్రం ప్రస్తుతం పోస్ట్‌ ప్రొడక్షన్‌ చివరి దశకి చేరుకుంది. ఇటీివలే రిలీజ్‌ చేసిన ఫస్ట్‌ సింగిల్‌ ‘ఒడియమ్మ’ సాంగ్‌కి అద్భుతమైన రెస్పాన్స్‌ వచ్చింది. లియోన్‌ జేమ్స్‌ ఈ పాటని అదిరిపోయే లవ్‌ మెలోడీగా కంపోజ్‌ చేశారు. సుధీర్‌ కెరీర్‌లో ఇంత వేగంగా వైరల్‌ అయిన పాట ఇదే కావడం విశేషం. రిలీజ్‌ అయిన ఒక్క రోజులోనే రికార్డు స్థాయి వ్యూస్‌తో సోషల్‌ మీడియాలో ట్రెండ్‌ అవుతోంది.

ఇప్పటివరకు విడుదలైన అన్ని పాటలు హిట్‌ అంటూ ప్రేక్షకుల నుంచి అద్భుత స్పందన అందుకుంటున్నాయి. దీంతో సినిమా పై బజ్‌ మరింతగా పెరిగింది. ఇక తాజాగా బ్యాక్‌గ్రౌండ్‌ స్కోర్‌ కోసం మణిశర్మ టీంలో చేరడంతో సినిమాపై అంచనాలు మరింతగా పెరిగాయి. సినిమా ఎంతో బాగా వచ్చిందని మేకర్స్‌ సంతోషం వ్యక్తం చేస్తున్నారు. త్వరలోనే గ్రాండ్‌గా విడుదల చేసేందుకు ఏర్పాట్లు జరుపుతున్నారు. మొట్ట రాజేంద్రన్‌, సర్వదమన్‌ బెనర్జీ, నితిన్‌ ప్రసన్న, పథ్వి, అడుకులం నరైన్‌, ఆనందరామరాజు, పమ్మి సాయి, చమ్మక్‌ చంద్ర, నవీన్‌ నేని తదితరులు నటిస్తున్న ఈ చిత్రానికి నిర్మాత: మొగుళ్ళ చంద్రశేఖర్‌, మ్యూజిక్‌: లియోన్‌ జేమ్స్‌, బీజీఎం: మణిశర్మ.