బాలకష్ణ, దర్శకుడు బోయపాటి శ్రీను కలయికలో రాబోతున్న 4వ సినిమా ‘అఖండ 2: తాండవం’. 14 రీల్స్‌ ప్లస్‌ బ్యానర్‌పై రామ్‌ ఆచంట, గోపీచంద్‌ ఆచంట నిర్మిస్తున్న ఈ ప్రాజెక్ట్‌ను ఎం తేజస్విని నందమూరి సమర్పిస్తున్నారు.
ప్రస్తుతం హైదరాబాద్‌లో వేసిన భారీ సెట్‌లో అదిరిపోయే మాస్‌ డాన్స్‌ నెంబర్‌ను షూట్‌ చేస్తున్నారు. 600 మంది డాన్సర్లతో ఈ పాటను చాలా గ్రాండ్‌గా తెరకెక్కిస్తున్నారు.
అఖండలో ‘జై బాలయ్య’ సాంగ్‌కు కొరియోగ్రఫీ చేసిన భాను మాస్టర్‌ ఇప్పుడు ఈ పాటకు కూడా కొరియోగ్రఫీ చేస్తున్నారు.
తమన్‌ అద్భుతమైన మాస్‌ నెంబర్‌ కంపోజ్‌ చేశారు. బాలయ్య మాస్‌ డ్యాన్స్‌ మూమెంట్స్‌తో అదరగొడుతున్నారు. ఈ పాట థియేటర్లలో అభిమానులు, ప్రేక్షకులను ఉర్రూతలూగించేలా ఉండబోతోంది అని మేకర్స్‌ తెలిపారు.
ఈ భారీ ప్రాజెక్ట్‌లో సంయుక్త ముఖ్యపాత్రలో నటిస్తుండగా, ఆది పినిశెట్టి ఓ కీలక పాత్రని పోషిస్తున్నారు. హర్షాలి మల్హోత్రా ఈ సినిమాతో టాలీవుడ్‌లోకి అడుగుపెడుతున్నారు. ఆమె కూడా కథలో ముఖ్యమైన పాత్ర పోషిస్తున్నారు.
600 మంది డ్యాన్సర్లతో మాస్‌ సాంగ్‌
- Advertisement -
- Advertisement -
Previous article![]( "ఓ ప్రేమికుడి ఆవేదనతో ‘బాగుండు పో..’")
Next article![]( "బండారి")
