యుటిఎఫ్ బడిబాట కరపత్రాలను ఆవిష్కరించిన ఎంఈఓ

నవతెలంగాణ – కంఠేశ్వర్  : మన పిల్లలను మన ఊరి బడిలో చేర్పిద్దాం, నాణ్యమైన విద్యను పొందుదాం, ఫీజుల భారాన్ని తగ్గించుకుందాం అనే నినాదంతో తెలంగాణ రాష్ట్ర ఐక్య ఉపాధ్యాయ ఫెడరేషన్ (టీఎస్ యుటిఎఫ్ ) ఆధ్వర్యంలో రాష్ట్ర వ్యాప్తంగా చేపట్టిన ప్రచార జాతా కరపత్రాలను జిల్లా విద్యా శాఖ అధికారి అశోక్  మంగళవారం ఆవిష్కరించారు. ఈ సందర్బంగా జిల్లా విద్యాశాఖ అధికారి అశోక్ మాట్లాడుతూ.. ప్రభుత్వ పాఠశాలల్లో నమోదు పెంచే కార్యక్రమాన్ని టీఎస్ యుటిఎఫ్ రాష్ట్ర వ్యాప్తంగా చేపట్టడం అభినందనీయం అని అన్నారు. జిల్లాలోని ఉపాధ్యాయులందరు బడిబాట కార్యక్రమాన్ని విజయవంతం చేయాలని కోరారు. ఈ కార్యక్రమంలో రాష్ట్ర కార్యదర్శి డి. సత్యానంద్, జిల్లా అధ్యక్షులు ఓ. రమేష్, జిల్లా ప్రధాన కార్యదర్శి జి. గంగాధర్, జిల్లా ట్రెజరర్ ఎన్. రాజారామ్, జిల్లా కార్యదర్శి వి. సాయన్న, జిల్లా కమిటీ సభ్యులు ఎమ్. బాజన్న, టి. లింగం పాల్గొన్నారు.