తెలంగాణ బ్రాండ్‌ ఇమేజ్‌ పెంచేలా మిస్‌ వరల్డ్‌ పోటీలు

– తెలంగాణ రైజింగ్‌కు ఊతం
– హైదరాబాద్‌లో మే 7 నుంచి 31 వరకు ఈ పోటీలు
– తెలంగాణ సంస్కతి, చరిత్ర, పర్యాటక, ఆధ్యాత్మిక, మెడికల్‌, సేఫ్టీ టూరిజంను
– ప్రపంచానికి తెలియజేసేలా కార్యక్రమ ప్రణాళికులు
– సీఎం ఆదేశాలతో ఇప్పటికే విస్తృత ఏర్పాట్లు పూర్తి
నవతెలంగాణ బ్యూరో – హైదరాబాద్‌
మే 10 నుంచి 31 వరకు హైదరాబాద్‌ వేదికగా జరగనున్న 72వ మిస్‌వరల్డ్‌ 2025 పోటీలను తెలంగాణ ప్రత్యేకతలను ప్రపంచానికి తెలిపేలా, అంతర్జాతీయంగా తెలంగాణకు బ్రాండ్‌ ఇమేజ్‌ పెంచేలా అంగరంగ వైభవంగా నిర్వహించేందుకు రాష్ట్ర ప్రభుత్వం పకడ్బందీ కార్యాచరణను సిద్ధం చేసింది. ఈ పోటీలను సువర్ణ అవకాశంగా మలుచుకొని పెద్దఎత్తున పెట్టుబడులు రాష్ట్రానికి ఆకర్షించేలా ప్రయత్నాలు చేస్తుంది. ”ప్రపంచం కళ్లన్నీ తెలంగాణ వైపే!” అనే స్లోగన్‌తో ఈ ఈవెంట్‌ రాష్ట్ర చరిత్రలో మైలురాయిగా నిలవనుంది. ఈ నెల 2 నుంచి 8వ తేదీ మధ్య మిస్‌ వరల్డ్‌ పోటీల కంటెస్టెంట్లు హైదరాబాద్‌కు రానున్నారు. సుమారు 120 దేశాల నుంచి వారు ఈ మెగా ఈవెంట్‌లో పాల్గొ ననున్నారు. ఈ సందర్భంగా తెలంగాణ సంస్కృతి, చరిత్ర, పర్యాటక ఆకర్షణలు, మెడికల్‌, సేఫ్టీ టూరిజం, తెలంగాణ గ్రోత్‌ స్టోరీ, ఇతర ప్రత్యేకతలు ప్రపంచానికి పరిచయం చేయడానికి ప్రత్యేక థీమ్స్‌, టూరిస్ట్‌ సర్క్యూట్లు రూపొందించారు.
మిస్‌ వరల్డ్‌ 2025 కార్యక్రమం.. ప్రయాణ ప్రణాళికలు, వేదిక
-12.05.2025:బుద్ధిష్టు ఆధ్యాత్మిక పర్యటన
ఈ వేడుకల్లో భాగంగా నాగార్జునసాగర్‌లో ఉన్న బుద్ధవనం ప్రాజెక్టును, బుద్ధిష్ట్‌ థీమ్‌ పార్కును ప్రపంచానికి తెలియజేసేలా బుద్ధిష్టు ఆధ్యాత్మిక పర్యటన చేపడతారు. మిస్‌ వరల్డ్‌ పోటీలలో పాల్గొనే యువతులు బుద్ధవనం ప్రాజెక్టును మే 12న సందర్శిస్తారు.
-12.05.2025:హైదరాబాద్‌ హెరిటేజ్‌ వాక్‌
హైదరాబాద్‌ సాంస్కృతిక వారసత్వం గొప్పదనం ప్రపంచానికి తెలియజేసేలా చార్మినార్‌, లాడ్‌ బజార్‌లలో ”హెరిటేజ్‌ వాక్‌ ” నిర్వహిస్తారు.
-13.05.2025: చౌమల్ల ప్యాలెస్‌ సందర్శన
హైదరాబాద్‌కే తలమానికంగా నిలుస్తున్న ప్యాలెస్‌ను సందర్శిస్తారు. అక్కడ లైవ్‌ మ్యూజిక్‌ కన్సర్ట్‌ను తిలకిస్తారు.
-14.05.2025: వరంగల్‌ హెరిటేజ్‌ సందర్శన
గ్రూప్‌ 1లోని మిస్‌ వరల్డ్‌ కంటెస్టెంట్‌లు చారిత్రక, ఆధ్యాత్మిక నగరం వరంగల్‌లోని వెయ్యి స్తంభాల గుడి, వరంగల్‌ పోర్ట్‌ను సందర్శిస్తారు.
-14.05.2025: రామప్ప ఆలయ సందర్శన
గ్రూప్‌ 2లోని మిస్‌ వరల్డ్‌ కంటెస్టెంట్‌లు యునెస్కో వారసత్వ సంపదగా గుర్తింపు పొందిన రామప్ప ఆలయాన్ని సందర్శిస్తారు. అక్కడే ఏర్పాటు చేసిన పేరిణి నృత్యాన్ని తిలకిస్తారు.
15.05.2025: యాదగిరి గుట్ట ఆలయ సందర్శన
గ్రూప్‌ 1లోని మిస్‌ వరల్డ్‌ కంటెస్టెంట్‌లు ఆధ్యాత్మిక టూరిజంలో భాగంగా యాదగిరిగుట్ట ఆలయాన్ని సందర్శిస్తారు.
-15.05.2025: హ్యాండ్లూమ్‌ ఎక్స్పీరియన్సల్‌ టూర్‌
గ్రూప్‌ 2లోని మిస్‌ వరల్డ్‌ కంటెస్టెంట్‌లు హ్యాండ్లూమ్‌ ఎక్స్పీరియన్సల్‌ టూర్‌లో భాగంగా పోచంపల్లిలో చేనేత వస్త్రాల తయారీని, ప్రదర్శనను ప్రత్యక్షంగా తిలకిస్తారు.
-16.05.2025: మెడికల్‌ టూరిజంపై పరిచయం
వివిధ దేశాల నుంచి రోగులను ఆకర్షించే ఉద్దేశంతో మెడికల్‌ టూరిజంను చేపడతారు. హైదరాబాద్‌లోని ఏఐజీ హాస్పిటల్‌లో నిర్వహించే మెడికల్‌ టూరిజం ఈవెంట్‌కు గ్రూప్‌ బి1 మిస్‌ వరల్డ్‌ కంటెస్టెంట్‌లు హాజరవుతారు. హైదరాబాద్‌లోని ఆధునిక ఆస్పత్రుల ప్రత్యేకతలను వారికి వివరిస్తారు.
-16.05.2025: పిల్లల మర్రి వృక్ష సందర్శన
గ్రూప్‌ బి2 మిస్‌ వరల్డ్‌ కంటెస్టెంట్‌లు మహబూబ్‌నగర్‌లోని పిల్లలమర్రి వృక్షాన్ని సందర్శిస్తారు.
-16.05.2025: ఎక్స్పీరియం ఎకో పార్క్‌ సందర్శన
గ్రూప్‌ బి2 మిస్‌ వరల్డ్‌ కంటెస్టెంట్‌లు సాయంత్రం హైదరాబాద్‌ నగరానికే ప్రత్యేక ఆకర్షణగా ఉన్న ఎక్స్పీరియన్‌ ఎకో పార్కును సందర్శిస్తారు.
-17.05.2025: మిస్‌ వరల్డ్‌ ఆటల తుది పోటీలు
మిస్‌ వరల్డ్‌ కంటెస్టెంట్‌లు గచ్చిబౌలి ఇండోర్‌ స్టేడియంలో నిర్వహించే మిస్‌ వరల్డ్‌ స్పోర్ట్స్‌ ఫైనల్‌ పోటీల్లో పాల్గొంటారు.
-17.05.2025: రామోజీ ఫిలిం సిటీ సందర్శన
ప్రపంచంలోనే పెద్ద ఫిలిం సిటీలలో ఒకటిగా గుర్తింపు పొందిన ప్రఖ్యాత రామోజీ ఫిలిం సిటీని మిస్‌ వరల్డ్‌ కంటెస్టెంట్‌లు సందర్శిస్తారు.
-18.05.2025: సేఫ్టీ టూరిజం
మిస్‌ వరల్డ్‌ కంటెస్టెంట్‌లు తెలంగాణ పోలీస్‌ ఇంటిగ్రేటెడ్‌ కమాండ్‌ అండ్‌ కంట్రోల్‌ సెంటర్‌ను సందర్శించి రాష్ట్ర ప్రభుత్వం పౌరుల భద్రతకు తీసుకుంటున్న చర్యలను , ప్రభుత్వం సేఫ్టీ టూరిజం ఇనిషియేటివ్స్‌ను పరిశీలిస్తారు.
-18.05.2025: సచివాలయ సందర్శన
మిస్‌ వరల్డ్‌ కంటెస్టెంట్‌లకు అధికారులు తెలంగాణ రాష్ట్ర గ్రోత్‌ స్టోరీ, చరిత్రను తెలియజేస్తారు. ట్యాంక్‌బండ్‌పై ప్రతి ఆదివారం ఏర్పాటు చేసే సండే బి ఫండే కార్నివాల్‌ ను సందర్శిస్తారు.
-20.05.2025 – 21.05.2025: కాంటినెంటల్‌ ఫినాలే
మిస్‌ వరల్డ్‌ కంటెస్టెంట్‌ లను కాంటినెంటల్‌ క్లస్టర్‌ ఆధారంగా స్ట్రీమ్‌ లైన్‌ చేసేందుకు
రీజియన్‌ బి స్పెసిఫిక్‌ ఫాస్ట్‌ బి ట్రాక్‌ సెలెక్షన్స్‌ నిర్వహిస్తారు.
-20.05.2025 లేదా 21.05.2025: ఐపీఎల్‌ మ్యాచ్‌కు హాజరు
ఉప్పల్‌లోని రాజీవ్‌గాంధీ ఇంటర్నేషనల్‌ స్టేడియంలో జరగనున్న ఐపీఎల్‌ మ్యాచ్‌కు గ్రూప్‌ బి1 కంటెస్టెంట్లు హాజరవుతారు.
-21.05.2025: తెలంగాణ కళాకారులచే ఆర్ట్స్‌ , క్రాఫ్ట్స్‌ వర్క్‌షాప్‌
గ్రూప్‌బి2 కంటెస్టెంట్లు శిల్పారామంలో తెలంగాణ కళాకారులచే నిర్వహించే ఆర్ట్స్‌ , క్రాఫ్ట్స్‌ వర్క్‌షాప్‌ హాజరవుతారు. స్వయంగా వాటి తయారీలో భాగమై ప్రత్యక్షంగా తయారీ గురించి తెలుసుకుంటారు.
-22.05.2025: మిస్‌ వరల్డ్‌ టాలెంట్‌ ఫినాలే
మిస్‌ వరల్డ్‌ టాలెంట్‌ ఫినాలేలో కంటెస్టెంట్లు పాల్గొంటారు.
-23.05.2025: హెచ్‌ 2 హెచ్‌ ఛాలెంజ్‌ ఫినాలే
హెడ్‌ టు హెడ్‌ ఛాలెంజ్‌ ఫినాలేలో కంటెస్టెంట్లు పాల్గొంటారు.
-24.05.2025: మిస్‌ వరల్డ్‌ టాప్‌ మోడల్‌, ఫ్యాషన్‌ ఫినాలే జ్యువెలరీ/ పెర్ల్‌ గది షో మిస్‌ వరల్డ్‌ టాప్‌ మోడల్‌, ఫ్యాషన్‌ ఫినాలేలో పాల్గొంటారు.
26.05.2025: బ్యూటీ విత్‌ ప్యాషన్‌
బ్యూటీ విత్‌ ప్యాషన్‌లో కాంటెస్టెంట్‌లు పాల్గొంటారు.
-31.05.2025: మిస్‌ వరల్డ్‌ గ్రాండ్‌ ఫినాలే
మిస్‌ వరల్డ్‌ గ్రాండ్‌ ఫినాలేలో కంటెస్టెంట్‌లు పాల్గొంటారు.