రూ.8 లక్షలతో సీసీ రోడ్ల నిర్మాణ పనులు చేపట్టిన ఎమ్మెల్యే

నవతెలంగాణ – మెదక్ ప్రాంతీయ ప్రతినిధి: కొండాపూర్ మండలంలోని అనంతసాగర్ గ్రామంలో ఎన్ ఆర్ ఈజీఎస్ నిధుల ద్వారా రూ. 8 లక్షల వ్యయంతో చేపట్టనున్న సీసీ రోడ్డు నిర్మాణ పనులకు సంగారెడ్డి ఎమ్మెల్యే చింత ప్రభాకర్ శంకుస్థాపన చేశారు. ఈ సందర్భంగా ఎమ్మెల్యే చింతా ప్రభాకర్ మాట్లాడుతూ గ్రామ అభివృద్ధికి అవసరమైన మౌలిక వసతులను కల్పించేందుకు ప్రభుత్వం కట్టుబడి ఉందన్నారు. గ్రామాల్లో మెరుగైన రవాణా సౌకర్యం కల్పించేందుకు సీసీ రోడ్ల నిర్మాణం ఎంతో ఉపయోగపడుతుందని తెలిపారు. ఈ కార్యక్రమంలో మండల పార్టీ అధ్యక్షులు విఠల్, ప్రధాన కార్యదర్శి గోవర్ధన్ రెడ్డి, గ్రామ సర్పంచ్ నర్సింలు, మాజీ సర్పంచ్ ఇంద్రారెడ్డి, ఉప సర్పంచ్ పాండు రంగారెడ్డి తదితరులు, గ్రామ ప్రజలు పాల్గొన్నారు.