‘అఖండ2’లో నా పాత్ర చాలా కీలకం

బాలకృష్ణ నటిస్తున్న కొత్త చిత్రం ‘అఖండ2’. దర్శకుడు బోయపాటి శ్రీను దర్శకత్వంలో నిర్మాతలు రామ్‌ ఆచంట, గోపీచంద్‌ ఆచంట నిర్మిస్తున్నారు. ఎం తేజస్విని నందమూరి సమర్పిస్తున్నారు. ఈ సినిమా 2డీ, 3డీ రెండు ఫార్మాట్లలో ఈనెల 5న ప్రపంచవ్యాప్తంగా గ్రాండ్‌గా విడుదల కానుంది. ఈ సందర్భంగా ఈ చిత్రంలో కీలక పాత్ర పోషించిన హర్షాలి మల్హోత్రా మీడియాతో ముచ్చటించారు. ఆ విశేషాలు.. ‘బజరంగీ భాయిజాన్‌’ తరువాత పదేళ్ళకి ఈ సినిమాతో నేను థియేటర్స్‌కి రావడం చాలా ఎగ్జైటింగ్‌గా ఉంది. ఈ చిత్రంలో జనని అనే క్యారెక్టర్‌లో కనిపిస్తాను. తను చాలా స్వీట్‌, కేరింగ్‌. తనకి అఖండ బ్లెస్సింగ్స్‌ ఉంటాయి. జనని లైఫ్‌ ఎప్పుడు డేంజర్‌లో ఉన్న అఖండ తన కోసం వస్తారు ‘బజరంగీ భాయిజాన్‌’ తర్వాత చాలా పాత్రలు వచ్చాయి. అయితే నేను ఒక మంచి పాత్ర కోసం ఎదురు చూశాను. అలాంటి సమయంలో ఇందులో అవకాశం వచ్చింది.

లెజెండరీ నందమూరి బాలకృష్ణతో నటించడం ఒక గొప్ప అవకాశం. ఇలాంటి అవకాశం అరుదుగా వస్తుంది. ఇందులో నటించే ముందు నేను బాలకృష్ణ నటించిన ‘భగవత్‌ కేసరి, వీరసింహారెడ్డి, డాకు మహారాజ్‌, అఖండ’ చూశాను. ‘అఖండ’ అద్భుతంగా అనిపించింది. బోయపాటి డైరెక్షన్‌ అమేజింగ్‌. బాలకృష్ణ వెరీ కూల్‌. ఒక లెజెండరీ యాక్టర్‌తో కలిసి నటించడం అంటే మొదట చాలా నెర్వస్‌ ఫీల్‌ అయ్యాను. అయితే ఆయన చాలా కేరింగ్‌ పర్సన్‌. నన్ను ఎంతో ప్రోత్సహించారు. ఒక ఫ్యామిలీ మెంబర్‌లాగానే చూసుకున్నారు. ఆయన వెరీ ఎనర్జిటిక్‌, అన్‌స్టాపబుల్‌. నాకు సంజయ్ లీలా బన్సాలీ సినిమాలో చేయాలని ఉంది. ఆయన హీరోయిన్స్‌ని చూపించే విధానం చాలా అద్భుతంగా ఉంటుంది. అలాగే నాకు అన్ని రకాల జోనర్స్‌ చేయాలని ఉంది. మంచి కాంబినేషన్స్‌లో మెయిన్‌ లీడ్‌గా చేయాలని ఉంది. అలాగే ఛాలెంజింగ్‌ క్యారెక్టర్స్‌ చేయాలని ఉంది.