అక్లాండ్‌లో అంబ‌రాన్నింటిన న్యూ ఇయ‌ర్ వేడుక‌లు

న‌వ‌తెలంగాణ‌-హైద‌రాబాద్: న్యూజిలాండ్‌లో కొత్త సంవత్సర వేడుకలు అంబరాన్ని అంటాయి. అక్లాండ్‌ బాణాసంచా వెలుగులతో నిండిపోయింది. కొత్త ఏడాది 2026కు ప్రజలంతా ఘన స్వాగతం పలికారు. అంతకుముందు పసిఫిక్‌ మహాసముద్రంలోని కిరిబాటి అనే ద్వీప దేశాన్ని న్యూ ఇయర్‌ పలకరించింది. న్యూజిలాండ్‌ అనంతరం ఆస్ట్రేలియాలో సంబరాలు మొదలయ్యాయి. ప్రఖ్యాత సిడ్నీ హార్బర్ బ్రిడ్జిపై బాణసంచా వెలుగులు మిరుమిట్లు గొలిపాయి. ఇటీవలి ఉగ్రఘటన నేపథ్యంలో పోలీసులు పకడ్బందీ భద్రతా ఏర్పాట్లు చేశారు. జపాన్, ఉత్తర కొరియా, దక్షిణ కొరియా, తైవాన్, చైనా, మంగోలియా తదితర దేశాల్లో సంబరాలు ప్రారంభం కానున్నాయి.