ట్రెండీ కామెడీతో ‘పాంచాలి పంచ భర్తృక’

రాయల్‌ త్రోన్‌ ప్రొడక్షన్స్‌, ఓం సాయి రామ్‌ ఆర్ట్స్‌ సంయుక్తంగా నిర్మిస్తున్న చిత్రం ‘పాంచాలి పంచ భర్తృక’. వెంకట్‌ దుగ్గిరెడ్డి, రాజ్‌ పవన్‌, జెమినీ సురేష్‌, ర్యాప్‌ సింగర్‌ రోల్‌ రిడా హీరోలుగా నటిస్తున్నారు. రాజేంద్రప్రసాద్‌, పథ్వీరాజ్‌, శ్రీకాంత్‌ అయ్యంగార్‌ ఇతర కీలక పాత్రలు పోషిస్తున్నారు. వెంకట్‌ దుగ్గిరెడ్డి (యూఎస్‌ఏ) నిర్మిస్తున్నారు. శ్రీకాంత్‌ శెట్టివారి, సాయినాథ్‌ మన్యం సహ నిర్మాతలు. లెస్‌ లాజిక్‌, మోర్‌ మ్యాజిక్‌ అనే క్యాప్షన్‌తో ట్రెండీ కామెడీ మూవీగా ఈ చిత్రాన్ని డైరెక్టర్‌ గంగ సప్తశిఖర రూపొందిస్తున్నారు. బుధవారం రాజేంద్రప్రసాద్‌ ఈ సినిమా టైటిల్‌తో పాటు ఫస్ట్‌ లుక్‌ పోస్టర్‌ను రిలీజ్‌ చేశారు. ఈ సందర్భంగా ఆయన మాట్లాడుతూ,’ఒక కొత్త కథతో, కొత్త దర్శకుడు చేస్తున్న కుర్రకారు సినిమా ఇది. ఈ సినిమాలో నా క్యారెక్టర్‌ ఏంటి అనేది తెరపైనే చూడాలి. సరదాగా సాగే చిత్రమిది. చాలా కాలం తర్వాత ఇలాంటి మంచి కామెడీ మూవీలో నటించాను’ అని అన్నారు.

‘పాంచాలి పంచభర్తృక ఈ పదం మనం విన్నదే అయినా టైటిల్‌గా పెట్టేందుకు ఎవరూ ధైర్యం చేయలేదు. ఈ టైటిల్‌లోనే ఒక ఫన్‌ ఉంది. ఈ సినిమా ప్రేక్షకులకు మంచి ఎంటర్‌టైన్‌మెంట్‌ అందించి, హిట్‌ కావాలని కోరుకుంటున్నా. జెమినీ సురేష్‌, రోల్‌ రిడా ఇద్దరూ నాకు మంచి ఫ్రెండ్స్‌. వీళ్లతో పాటు టీమ్‌ అందరికీ నా బెస్ట్‌ విషెస్‌ చెబుతున్నా’ అని మ్యూజిక్‌ డైరెక్టర్‌ ఆర్పీ పట్నాయక్‌ చెప్పారు. సరీహ్‌ ఫర్‌, రూపలక్ష్మి, వెంకట్‌ దుగ్గిరెడ్డి (యూఎస్‌ఏ), రాజ్‌ పవన్‌, రవి రెడ్డి, జబర్దస్త్‌ నవీన్‌, డాన్‌ చింటూ, సునీత మనోహరి, మాయ నెల్లూరి, అఖాన్‌, బాలా తదితరులు నటిస్తున్న ఈచిత్రానికి ఎడిటింగ్‌ – జానీ బాషా, డీవోపీ – కేవీ ప్రసాద్‌, మ్యూజిక్‌ – మహేశ్‌ నారాయణ, బిషేక్‌, స్టోరీ – బాబీ కేఎస్‌ఆర్‌, స్క్రీన్‌ ప్లే – రాజ్‌ పవన్‌, నిర్మాత – వెంకట్‌ దుగ్గిరెడ్డి (యూఎస్‌ఏ), సహ నిర్మాతలు – శ్రీకాంత్‌ శెట్టివారి, సాయినాథ్‌ మన్యం, దర్శకత్వం – గంగ సప్తశిఖర.