పోటీల్లో పాల్గొని ప్రతిభను చాటండి

తెలంగాణ రాష్ట్ర సినిమాటోగ్రఫీ శాఖ ఆధ్వర్యంలో ఫిల్మ్‌ డెవలప్‌మెంట్‌ కార్పొరేషన్‌ ద్వారా నిర్వహిస్తున్న ‘బతుకమ్మ యంగ్‌ ఫిల్మ్‌మేకర్స్‌ ఛాలెంజ్‌’ బ్రోచర్‌, పోస్టర్‌లను శనివారం రాష్ట్ర రోడ్లు భవనాలు, సినిమాటోగ్రఫీ శాఖ మంత్రి కోమటి రెడ్డి వెంకట్‌ రెడ్డి ఆవిష్కరించారు.
ఈ సందర్భంగా ఆయన మాట్లాడుతూ, ‘తెలంగాణ చరిత్ర, సంస్కతి, కళా రూపాలు, ప్రజా ప్రభుత్వం అందిస్తున్న సంక్షేమ పథకాలపై వీడియోలను రూపొందించి, యువ కళాకారులు తమలోని సజనాత్మకతను ప్రపంచానికి చాటే ఈ మహత్తర అవకాశాన్ని సద్వినియోగం చేసుకోవాలని కోరుతున్నాను. పోటీలో పాల్గొని బహుమతులు గెలుచుకోండి. ఈ కార్యక్రమానికి శ్రీకారం చుట్టిన టీఎఫ్‌డీసీ చైర్మన్‌ దిల్‌ రాజును అభినందిస్తున్నాను. ముఖ్య మంత్రి అమలు చేస్తున్న సంక్షేమ పథకాలు ప్రజల్లోకి వెళ్ళేందుకు, యువ కళాకారుల ప్రతిభ వెలుగులోకి తెచ్చేందుకు ఈ పోటీ సరైన వేదిక కానుంది’ అని తెలిపారు.