వార్షికోత్సవానికి పెద్దమ్మ ఆలయం ముస్తాబు..

నవతెలంగాణ – డిచ్ పల్లి
ఇందల్ వాయి మండలంలోని ఎల్లారెడ్డిపల్లి గ్రామంలోని దర్పల్లికు వెళ్లే రాహదరి వద్ద ఉన్న పెద్దమ్మ తల్లి 22వ ఆలయ వార్షికోత్సవానికి అన్ని ఏర్పాట్లు పూర్తి చేసినట్లు అలయ కమిటీ అధ్యక్షులు బొడ్డు రవి, సంఘం అధ్యక్షులు అర్ మల్లయ్య తెలిపారు. అదివారం ఆలయంలో ఏర్పాటు చేసిన విలేకరుల సమావేశంలో వివరాలను వెల్లడించారు. గత 22 ఏళ్ళుగా పెద్దమ్మ తల్లి అలయ వార్షికోత్సవం అంగరంగ వైభవంగా కన్నుల పండుగగా నిర్వహిస్తామని, సోమవారం గ్రామం నుండి పెద్ద ఎత్తున బోనాల ఊరేగింపు అనంతరం అభిషేకం, అర్చనలు, కళ్యాణం, అన్న సత్రం అంగరంగ వైభవంగా నిర్వహిస్తామని వారు అన్నారు. పెద్దమ్మ తల్లి ఆలయ  వార్షికోత్సవంలో భాగంగా గ్రామం నుండి ఆలయం వరకు బోనాలను డప్పు వాయిద్యాలతో ఊరేగిస్తామని, వార్షికోత్సవాన్ని పురస్కరించుకొని గ్రామంతో పాటు చుట్టుపక్కల గ్రామాల నుండి భారీ సంఖ్యలో ప్రజలు భక్తులు పాల్గొని ప్రత్యేక పూజలు చేస్తారని తెలిపారు. ఈ సమావేశం లో ముదిరాజ్ సంఘం ఉపాధ్యక్షులు సాయిలు, కార్యదర్శి గంగాధర్, లక్ష్మన్, నడ్పి గంగాధర్, నరేష్ ,సాయినాథ్, యోగేశ్వర్ ,మల్లు సాగర్ ,రాములు తదితరులు ఉన్నారు.