ఉద్యోగుల పెండింగ్‌ బిల్లులు రూ. 707.30 కోట్లు విడుదల

నవతెలంగాణ బ్యూరో – హైదరాబాద్‌
ఉద్యోగ సంఘాలకు ఇచ్చిన హామీ మేరకు ఉద్యోగుల పెండింగ్‌ బిల్లులకు సంబంధించిన రూ. 707.30 కోట్లు విడుదల చేస్తూ డిప్యూటీ సీఎం భట్టి విక్రమార్క ఆదేశాలు జారీ చేశారు. ఈ మేరకు ఆర్థిక శాఖ అధికారులు నవంబర్‌ నెలకు సంబంధించి రూ.707.30 కోట్ల పెండింగ్‌ బిల్లులను శనివారం విడుదల చేశారు. ఉద్యోగ సంఘాలకు ఇచ్చిన హామీలో భాగంగా ప్రతినెల రూ. 700 కోట్లకుపైగా నిధులను ప్రభుత్వం విడుదల చేస్తోంది. ప్రజా ప్రభుత్వం ఇచ్చిన హామీ మేరకు నవంబర్‌ తో వరుసగా నాలుగు నెలలుగా ఉద్యోగుల బకాయిలను చెల్లిస్తూ వచ్చింది. ఇందులో గ్రాట్యుటీ, జీపీఎఫ్‌, సరెండర్‌ లీవ్స్‌, అడ్వాన్స్‌ లకు సంబంధించిన బిల్లులు ఉన్నాయి.