తపాలా సేవలను సద్వినియోగం చేసుకోవాలి..

తపాలా కార్యాలయాన్ని ప్రారంభించినఎమ్మెల్యే తోట లక్ష్మీ కాంతారావు
నవతెలంగాణ – పెద్దకొడప్ గల్
మండలంలోని బూరుగుపల్లి గ్రామంలో బుధవారం తపాలా కార్యాలయాన్ని ఎమ్మెల్యే లక్ష్మీకాంతారావు ప్రారంభించారు. ఈ సందర్భంగా మాట్లాడుతూ తపాలా కార్యాలయం ఎంతో ప్రయోజనకరమని,పింఛన్లు,గ్రామీణ ఉపాధి హామీ పథకంలో పనిచేసినటువంటి రూపాయలు మీ గ్రామంలోని తీసుకోవచ్చని తెలిపారు. గ్రామంలోని ప్రజలందరూ తపాలా కార్యాలయంలో ఖాతాను తీసుకోవాలని, డబ్బులను నీ ఖాతాలో జమ చేసుకోవచ్చు వెల్లడించారు. అవసరమైనప్పుడు ఆ డబ్బులను తీసుకోవచ్చు, ఆడపిల్లలపై సుకన్య యోజన పథకంపై డబ్బులను చెల్లించి వారి విద్యాభ్యాసానికి ఉపయోగపడతాయని అన్నారు.

డబ్బులను ఫిక్స్ డిపాజిట్ గా కూడా చేసుకోవచ్చని, బిపిఎం తపాలా కార్యాలయంలో ఎటువంటి ప్రయోజనాలు ఉన్నాయో తెలుసుకొని సద్వినియోగం చేసుకోవాలని వివరించారు. ఈ కార్యక్రమంలో సీనియర్ సూపర్డెంట్ జనార్దన్ రెడ్డి తపాలా కార్యాలయం సిబ్బంది, మండల కాంగ్రెస్ పార్టీ అధ్యక్షుడు మహేందర్ రెడ్డి, గ్రామ కాంగ్రెస్ నాయకులు నారాయణరావు, శ్రీహరి, మారుతి, మండలంలోని పలు గ్రామాల కాంగ్రెస్ పార్టీ నాయకులు, గ్రామ ప్రజలు తదితరులు పాల్గొన్నారు.