ఘనంగా ప్రొఫెసర్ జయశంకర్ జయంతి ఉత్సవాలు

నవతెలంగాణ – జుక్కల్ 
తెలంగాణ సిద్ధాంతకర్త, స్వరాష్ట్ర భావజాల వ్యాప్తి కోసం జీవితాన్ని అర్పించిన ఉద్యమ స్ఫూర్తి ప్రదాత.. ఆచార్య శ్రీ కొత్తపల్లి జయశంకర్ సార్ గారి జయంతి  ఉత్సవాలను జుక్కల్ మండల కేంద్రంలోని జి పి కార్యాలయంలో ఘనంగా నిర్వహించారు. ఈ సందర్భంగా జుక్కల్ గ్రామపంచాయతీ కార్యాలయంలో ఏర్పాటుచేసిన జయంతి ఉత్సవాలలో భాగంగా  అధికారులు మరియు గ్రామ ప్రజలు పాల్గొని జయశంకర్ సార్ చిత్రపటానికి పూలమాలవేసి నివాళులు అర్పించి జయంతి వేడుకలను ప్రారంభించి నిర్వహించి ఘన నివాళులు అర్పించడం జరిగింది.

జిపి అధికారి గల్కట్ వార్ రాజు మాట్లాడుతూ తెలంగాణ స్వరాష్ట్రం కొరకు జయశంకర్ చేసిన కృషిని  వివరించారు .  తెలంగాణ ఉద్యమానికి తన జీవితాన్ని అంకితం చేసి తెలంగాణ స్వరాష్ట్రం  సాధన కొరకు కృషి చేశారని కొనియాడారు. ఈ కార్యక్రమానికి జుక్కల్ గ్రామపంచాయతీ సెక్రటరీ శ్రీనివాస్ గౌడ్, గ్రామపంచాయతీ సిబ్బంది రాజు , మనోజ్ కుమార్, మరియు జుక్కల్ గ్రామ యువకులు బొంపల్లి వార్ విజయ్ కుమార్, బుసవార్ కృష్ణ, అషు ఖాన్, బాబర్ ,ఇస్మాయిల్ ఖురేషి , షాకీర్ తదితరులు పాల్గొనడం జరిగింది.