తెలంగాణలో మూడు రోజుల పాటు వర్షాలు

నవతెలంగాణ – హైదరాబాద్: రాష్ట్రంలో మరో మూడు రోజుల పాటు ఈదురుగాలులతో కూడిన వర్షాలు కురిసే అవకాశం ఉందని హైదరాబాద్ వాతావరణ కేంద్రం ప్రకటించింది. శనివారం ఉమ్మడి ఆదిలాబాద్, కరీంనగర్‌, రంగారెడ్డి, హైదరాబాద్, నిజామాబాద్, మహబూబ్​నగర్‌, జయశంకర్‌ భూపాలపల్లి, ములుగు, యాదాద్రి భువనగిరి జిల్లాల్లో ఈదురుగాలులతో పాటు తేలికపాటి నుంచి మోస్తరు వర్షాలు కురిసే అవకాశం ఉందని తెలిపింది. గంటకు 30 నుంచి 40 కిలోమీటర్ల వేగంతో ఈదురుగాలు వీస్తాయని పేర్కొంది.