అగ్ర కథానాయకుడు ప్రభాస్‌, డైరెక్టర్‌ మారుతి కాంబినేషన్‌లో రూపొందుతున్న చిత్రం ‘రాజా సాబ్‌’. పీపుల్‌ మీడియా ఫ్యాక్టరీ నిర్మిస్తోంది. ఈ చిత్ర ట్రైలర్‌ను ఈ నెల 29వ తేదీ సాయంత్రం 6 గంటలకు రిలీజ్‌ చేయబోతున్నట్లు మేకర్స్‌ ప్రకటించారు. ఈ మోస్ట్‌ అవేటెడ్‌ అనౌన్స్‌మెంట్‌తో రెబెల్‌ ఫ్యాన్స్‌తో పాటు మూవీ లవర్స్‌ హ్యాపీగా ఫీలవుతున్నారు. ఈ అనౌన్స్‌ మెంట్‌ సందర్భంగా విడుదల చేసిన పోస్టర్‌లో ప్రభాస్‌, సంజయ్‌ దత్‌ కాంబో స్టిల్‌ ఆసక్తి కలిగిస్తోంది. దీంతో ట్రైలర్ రిలీజ్‌ అనౌన్స్‌మెంట్‌ సోషల్‌ మీడియాలో సెన్సేషన్‌ క్రియేట్‌ చేస్తోంది. ఈ సిని మాను భారీ ప్రొడక్షన్‌ వ్యాల్యూస్‌తో అన్‌ కాంప్రమైజ్డ్‌గా నిర్మిస్తున్నారు నిర్మాత టీజీ విశ్వప్రసాద్‌. ప్రభాస్‌ ఇప్పటిదాకా చేయని రొమాంటిక్‌ హర్రర్‌ జోనర్‌లో ఈ సినిమాను దర్శకుడు మారుతి రూపొంది స్తుండటంతో ఈ సినిమా మీద అందరిలో క్యూరియాసిటీ ఏర్పడుతోంది.
ఈ సినిమాతో ప్రేక్షకులకు ఎవర్‌ గ్రీన్‌ సినిమాటిక్‌ ఎక్స్‌పీరియన్స్‌ ఇవ్వబోతున్నారు డైరెక్టర్‌ మారుతి అని చిత్ర యూనిట్‌ తెలిపింది. ‘ప్రభాస్‌ ఇప్పటివరకు నటించిన చిత్రాలు, చేసిన పాత్రలతో పోలిస్తే ఈ సినిమాలో ఆయన పూర్తిగా కొత్తగా కనిపించి, సర్‌ప్రైజ్‌ చేయబోతున్నారు. ఆయన పాత్రను, క్యారెక్టర్‌ స్టయిల్‌ను దర్శకుడు మారుతి ఎంతో అద్భుతంగా డిజైన్‌ చేశారు. ఈ సినిమా ప్రభాస్‌ ఫ్యాన్స్‌తోపాటు ప్రేక్షకులకు కూడా సరికొత్త అనుభూతినిస్తుందనే నమ్మకంతో ఉన్నాం’ అని మేకర్స్‌ తెలిపారు. నిధి అగర్వాల్‌, మాళవిక మోహనన్‌, రిద్ది కుమార్‌, సంజయ్‌ దత్‌ తదితరులు నటిస్తున్న ఈ చిత్రానికి ఎడిటింగ్‌ – కోటగిరి వెంకటేశ్వరరావు, సినిమాటోగ్రఫీ – కార్తీక్‌ పళని, మ్యూజిక్‌ – తమన్‌, ఫైట్‌ మాస్టర్‌ – రామ్ లక్ష్మణ్‌, కింగ్‌ సోలొమన్‌, ప్రొడక్షన్‌ డిజైనర్‌ – రాజీవన్‌, క్రియేటివ్‌ ప్రొడ్యూసర్‌ – ఎస్‌ కేఎన్‌, ఎగ్జిక్యూటివ్‌ ప్రొడ్యూసర్‌ – టీజీ కృతి ప్రసాద్‌, కో ప్రొడ్యూసర్‌ – వివేక్‌ కూచిభొట్ల, ప్రొడ్యూసర్‌ – టీజీ విశ్వప్రసాద్‌.
సరికొత్త అనుభూతినిచ్చే ‘రాజా సాబ్‌’
- Advertisement -
- Advertisement -
Previous article![]( "దసరా కానుకగా ‘ధన పిశాచి’ సాంగ్‌ రిలీజ్‌")
Next article![]( "ఇది అసలైన ఆరంభం..")
RELATED ARTICLES
