సరికొత్తగా ‘రమణి కళ్యాణం’

దీప్సిక, సూర్య వశిష్ట ప్రధాన పాత్రల్లో విజయ్‌ ఆదిరెడ్డి దర్శకత్వంలో రూపొందుతున్న చిత్రం ‘రమణి కళ్యాణం’. శుక్రవారం చిత్ర బృందం అధికారికంగా టైటిల్‌ లుక్‌ను లాంచ్‌ చేశారు.
కిరణ్‌ అబ్బవరం, వశిష్ట, విజయ్ ఆంటోని, జి.వి. ప్రకాశ్‌ కుమార్‌, సామ్‌ సి.ఎస్‌, రంజిత్‌ జేయకొడి వంటి ప్రముఖులు టైటిల్‌ని లాంచ్‌ చేసి, చిత్ర బృందానికి శుభాకాంక్షలు తెలియజేశారు.
జీవితంలోని సవాళ్ల మధ్య ప్రేమ, విలువలు, హృదయాన్ని తాకే ఎమోషన్స్‌తో అందమైన ప్రయాణంగా ఈ సినిమా ఉండబోతోంది. వినోదం, భావోద్వేగం, విలువలతో కూడిన కథను నిజాయితీగా చెప్పబోతున్నారు అని చిత్ర యూనిట్‌ తెలిపింది. శ్రీనివాస్‌ రెడ్డి, శ్యామల తదితరులు నటిస్తున్న ఈ చిత్రానికి రచన- దర్శకత్వం: విజయ్ ఆదిరెడ్డి, డైలాగ్స్‌: రామ్‌ జగదీష్‌, స్క్రీన్‌ ప్లే: యువరాజ్‌ తేజ కాండ్రకోట, రామ్‌ జగదీష్‌, విజయ్ ఆదిరెడ్డి, సంగీతం: సూరజ్‌ ఎస్‌ కురుప్‌, డిఓపి : అరవింద్‌ తిరుకోవెల, ఎడిటర్‌: రవితేజ గిరిజాల, కొరియోగ్రఫీ: విజయ్ పోలాకి, షెరీఫ్‌.ఎం, సాహిత్యం: పూర్ణాచారి చల్లూరి, ఆర్ట్‌ డైరెక్టర్‌: నానాజీ కచాల(నాని).