సాగర్‌ను సందర్శించిన 23 దేశాల ప్రతినిధులు

నవతెలంగాణ-నాగార్జునసాగర్‌
అంతర్జాతీయ పర్యాటక కేంద్రం నాగార్జునసాగర్‌ను 23 దేశాలకు చెందిన 27 మంది ప్రతినిధులు సందర్శించారు. నేపాల్‌ శ్రీలంక, రష్యా, వియత్నాం, జింబాబ్వే, నైజీరియా, ఎతోపియా, సౌత్‌ సూడాన్‌, టాన్జేనియా, జమైకా, జోర్డాన్‌ మొదలైన 23 దేశాల ప్రతినిధులు ఈనెల 15వ తేదీ నుంచి హైదరాబాద్‌లోని మర్రి చెన్నారెడ్డి మానవ వనరుల అభివృద్ధి సంస్థలో ”వివిధ రంగాల్లో నూతన ఆవిష్కరణలు- అభివృద్ధి” అనే అంశంపై శిక్షణ పొందుతున్నారు. ఈ నెల 30వ తేదీతో ఈ శిక్షణ ముగియనుంది. శిక్షణలో భాగంగా బుధవారం టీం కోఆర్డినేటర్‌ డాక్టర్‌ సురేష్‌ కుమార్‌ ఆధ్వర్యంలో సాగర్‌లో పురావస్తు మ్యూజియాన్ని, మాన్యుమెంట్స్‌ను సందర్శించారు. అనంతరం నాగార్జునసాగర్‌ ప్రధాన డ్యామ్‌ను, బుద్ధవనాన్ని సందర్శించారు. మహా స్థూపంలోని ధ్యాన మందిరంలో ధ్యానం చేశారు. అనంతరం బుద్దచరిత వనం, ధ్యానవనం, స్థూప వనాలను సందర్శించారు. వారి వెంట డీఆర్‌డీఏ పీడీ శేఖర్‌ రెడ్డి, పెద్దవూర తహసీల్దార్‌ రఘు, సాగర్‌ సీఐ శ్రీను నాయక్‌, సాగర్‌ డ్యాం ఈఈ, నాగేశ్వరరావు, ఏఈ కృష్ణయ్య, బుద్దవనం అధికారులు శాసన, రవిచంద్ర, రెవెన్యూ ప్రొటోకాల్‌ ఆఫీసర్‌ దండా శ్రీనివాస్‌రెడ్డి, సాగర్‌, ఎస్‌ఐ ముత్తయ్య, ఎస్‌పిఎఫ్‌ ఎస్‌ఐ రఘు ఉన్నారు.