రొమాంటిక్‌ మెలోడి ‘దోచావే నన్నే’

ప్రియదర్శి ప్రస్తుతం ‘ప్రేమంటే’ చిత్రంలో నటిస్తున్నారు. ‘థ్రిల్‌-యు ప్రాప్తిరస్తు!’ అనేది ట్యాగ్‌లైన్‌. రానా దగ్గుబాటి సమర్పణలో పుస్కూర్‌ రామ్‌ మోహన్‌ రావు, జాన్వి నారంగ్‌ నిర్మాణంలో ఈ సినిమా రానుంది. ఆనంది హీరోయిన్‌. నవనీత్‌ శ్రీరామ్‌ డైరెక్టర్‌గా అరంగేట్రం చేస్తున్నారు. దివంగత నారాయణ్‌ దాస్‌ నారంగ్‌ వారసత్వాన్ని కొనసాగిస్తూ శ్రీ వెంకటేశ్వర సినిమాస్‌ బ్యానర్‌ దీన్ని నిర్మిస్తుండగా, స్పిరిట్‌ మీడియా సమర్పిస్తోంది. మ్యూజిక్‌ ప్రమోషన్స్‌లో భాగంగా ఈ సినిమాలోని ఫస్ట్‌ సింగిల్‌ ‘దోచావే నన్నే’ పాటను హీరో నాని లాంచ్‌ చేశారు. లియోన్‌ జేమ్స్‌ స్వరపరిచిన ఈ రొమాంటిక్‌ ట్రాక్‌ అందర్నీ అలరిస్తోంది. సాఫ్ట్‌ మెలోడీకి స్టైలిష్‌ విజువల్స్‌ను మేళవించి ప్రేమలో ఉన్న ఎమోషన్‌ని అందంగా ప్రజెంట్‌ చేసింది.

ఎలిగెంట్‌ డ్యాన్స్‌ సీక్వెన్స్‌లు ఆకట్టుకున్నాయి. అబ్బీ వి వాయిస్‌ ఈ పాటకు ప్రాణం పోసింది. శ్రీమణి రాసిన సాహిత్యం హార్ట్‌ టచ్చింగ్‌ వుంది. ప్రియదర్శి, ఆనంది కెమిస్ట్రీ చాలా సహజంగా, హృదయానికి హత్తుకునేలా ఉంది అని చిత్రయూనిట్‌ తెలిపింది. సారేగామ ఈ చిత్ర ఆడియో హక్కులను సొంతం చేసుకుంది. ఈ చిత్రానికి సహ నిర్మాత: ఆదిత్య మెరుగు, రచన, దర్శకత్వం: నవనీత్‌ శ్రీరామ్‌, సినిమాటోగ్రఫీ: విశ్వనాథ్‌ రెడ్డి, సంగీతం: లియోన్‌ జేమ్స్‌, ఎడిటింగ్‌: రాఘవేంద్ర తిరున్‌, డైలాగ్స్‌: కార్తీక్‌ తుపురాణి, రాజ్‌కుమార్‌, ప్రొడక్షన్‌ డిజైనర్‌: అరవింద్‌ మ్యూల్‌.