ఘనంగా సద్దుల బతుకమ్మ వేడుకలు..

నవతెలంగాణ – పెద్దకొడప్ గల్
మండల కేంద్రంతో పాటు మండలంలోని పలు గ్రామాల్లో సద్దుల బతుకమ్మ పండుగను మహిళలు ఘనంగా నిర్వహించారు. అత్తవారింటి నుండి ఆడపడుచులు తల్లిగారింటికి వచ్చి కొత్త దుస్తులను ధరించి రంగురంగుల చీరల కట్టుకుని బతుకమ్మలు ఆడుతుంటే ఒకరికొకరు పోటాపోటీగా గంటల తరబడి పాటలు పాడుతూ బతుకమ్మ సంబరాలు నిర్వహించారు. మహిళలు ఆడపడుచులు చిన్నారులు రంగురంగుల పువ్వులతో బతుకమ్మలను తయారు చేసి వాడవాడల నుండి ర్యాలీగా బయలుదేరి ఒకే చోట బతుకమ్మలు పెట్టుకొని ఘనంగా సంబరాలు అంబరాన్ని అంటే విధంగా బతుకమ్మ పండుగను నిర్వహించుకున్నారు.