కలర్‌ఫుల్‌గా ‘ట్రెండ్‌ సెట్‌ చెయ్‌’

సుధీర్‌ బాబు నటిస్తున్న ఫాంటసీ యాక్షన్‌ చిత్రం ‘జటాధర’. ఈ సినిమా నుంచి ప్రమోషనల్‌ సాంగ్‌ ‘ట్రెండ్‌ సెట్‌ చెయ్‌’ రిలీజ్‌ అయింది. రిలీజైన క్షణాల్లోనే ఇన్‌స్టంట్‌గా ఈ సాంగ్‌ సోషల్‌ మీడియాలో హాట్‌ టాపిక్‌గా మారింది. ఎంటర్‌టైనింగ్‌ బీట్స్‌, కలర్ఫుల్‌ విజువల్స్‌, సుధీర్‌ బాబు ఎనర్జిటిక్‌ డ్యాన్స్‌ మూవ్స్‌తో పాట మంచి వైబ్‌ క్రియేట్‌ చేసింది. రీస్‌, జైన్‌ – సామ్‌ కంపోజ్‌ చేసిన ఈ సాంగ్‌ యూత్‌ఫుల్‌ ఎనర్జీతో అదిరిపోయింది. లిరిసిస్ట్‌ శ్రీమణి తెలుగుతో ఇంగ్లీష్‌ మిక్స్‌ చేస్తూ, ఆకట్టుకునే వర్డ్‌ ప్లేతో సాంగ్‌ను ట్రెండీగా రాశారు. జితేందర్‌, రాజీవ్‌ రాజ్‌ వోకల్స్‌తో పాటకు మరింత ఎనర్జీ ఇచ్చారు. స్టైలిష్‌ పబ్‌ సెట్‌లో తెరకెక్కిన వీడియోలో సుధీర్‌ బాబు, శ్రేయా శర్మతో కలసి చేసిన డాన్స్‌ అందర్నీ అలరిస్తోంది. స్మార్ట్‌ కొరియోగ్రఫీ, కూల్‌ వైబ్‌తో ‘ట్రెండ్‌ సెట్‌ చెయ్‌’ నిజంగానే టైటిల్‌కి తగ్గట్టే కొత్త ట్రెండ్‌ సెట్‌ చేస్తోంది అని చిత్ర బృందం తెలిపింది. జీ స్టూడియోస్‌, ప్రేరణ అరోరా నిర్మిస్తున్న ఈ చిత్రంలో బాలీవుడ్‌ స్టార్‌ సోనాక్షి సిన్హా తొలిసారి తెలుగు ప్రేక్షకుల ముందుకు రానుంది. ఈ సినిమా నవంబర్‌ 7న థియేటర్లలో గ్రాండ్‌గా రిలీజ్‌ కానుంది.