లీషాకు ఏడు స్వర్ణాలు

తెలంగాణ షూటింగ్‌ పోటీలు
హైదరాబాద్‌ : 11వ తెలంగాణ షూటింగ్‌ చాంపియన్‌షిప్స్‌లో లీషా కిరణ్‌ ఏడు స్వర్ణాలు సాధించింది. మహిళల 10మీ పిస్టల్‌ (సబ్‌ యూత్‌/యూత్‌/జూనియర్‌/ఉమెన్‌) విభాగాలు సహా 25మీ స్పోర్ట్స్‌ పిస్టల్‌ (యూత్‌/జూనియర్‌/ఉమెన్‌) విభాగాల్లో లీషా కిరణ్‌ పసిడి గురితో మెరిసింది. పురుషుల విభాగంలో సూర్య కృష్ణ ఐదు పతకాలు సాధించాడు. 25మీ పిస్టల్‌, స్పోర్ట్స్‌ పిస్టల్‌లో గోల్డ్‌ మెడల్‌ సహా 10మీ పిస్టల్‌ విభాగాల్లో రెండు రజతాలు, ఓ కాంస్యం గురి పెట్టాడు. పిస్టల్‌, స్పోర్ట్స్‌ పిస్టల్‌ విభాగాల విజేతలకు బుధవారం గచ్చిబౌలిలోని షూటింగ్‌ రేంజ్‌లో అసెంబ్లీ స్పీకర్‌ గడ్డం ప్రసాద్‌, శాట్జ్‌ చైర్మెన్‌ కే.శివసేన రెడ్డి, తెలంగాణ రైఫిల్‌ సంఘం అధ్యక్షుడు అమిత్‌ సంఘీ బహుమతులు ప్రదానం చేశారు.